Башкортстан Фәннәр академиясе

Башкортстан Фәннәр академиясе (баш. Башҡортостан Фәндәр академияһы, рус. Академия наук Башкортостана) — Башкортстан Республикасының баш фәнни оешмасы.

Башкортстан Фәннәр академиясе (БР ФА)
Оештырылган	1991
Президент	Әлфис Гаязов
Урнашу	Россия Федерациясе, Уфа
Юридик адрес	Киров ур., 15, Уфа, Башкортстан, Россия
Сайт	http://www.anrb.ru

Республика Фәннәр академиясе Башкортстан ССРы Югары Советы Президиумы карары белән 1991 елның 6 февралендә оештырыла.

Академия республика фәнни оешмаларының, югары уку йортларының тикшеренү, инновация эшчәнлеген интеграцияләү, аларның үзара бәйләнешен тәэмин итү өлкәсендә зур эш башкара; фән һәм мәгариф, фән һәм икътисад арасындагы хезмәттәшлекне ныгытуга ныклы өлеш кертә. Башкортстан галимнәренең Россиядә, чит илләрдә гыйльми тикшеренүләр алып барган хезмәттәшләре белән аралашуын, тәҗрибә уртаклашуын көчәйтү дә – Фәннәр академиясенең игътибар үзәгендә.

БР ФА соңгы елларда

Соңгы елларда республиканың инновация эшчәнлеген интеграцияләү, фәнни-техник тикшеренүләрнең зур өлеше Башкортстан Фәннәр академиясенән читтә тора (БашНИПИнефть, Буринтех, Петон, РН-УфаНИПИнефть, Башгипронефтехим, Уфа моторлар төзү җитештерү берләшмәсе каршында "Мотор" фәнни җитештерү берләшмәсе һәм башка инжиниринг ширкәтләре, Россия Фәннәр академиясе Уфа фәнни үзәге). Башкортстан Фәннәр академиясе — республика фәненең үзәге булып тормый^{[чыганагы?]}.

Бүгенге көндә Башкортстан Фәннәр академиясе гыйльми эш белән шөгыльләнүче берничә бюджет һәм автоном учреждениене берләштерә, республика фәнни оешмаларына методик ярдәм күрсәтә.

Башкортстан Фәннәр академиясе алдагы перспективалары аз. Чөнки бу оешма тулысынча (яки зур өлеше) региональ бюджеттан финанслана, региональ фән бюджеты исә бик кечкенә.

1991 елда оештырыган оешманың Россия Фәннәр академиясе Уфа фәнни үзәге белән капма-каршылыгы күзәтелә.

Чыганак

• 06.02: Фән халык өчен эшләргә тиеш! 2016 елның 23 апрель көнендә архивланган.

Моны да карагыз

• Россия Фәннәр академиясе Уфа фәнни үзәге