Баня Баши мәчете (София)
Баня Баши мәчете (болг. Баня Баши джамия) — Болгариянең башкаласы София шәһәрендә урнашкан ислам гыйбадәтханәсе, җәмигъ мәчете. Аурупаның борынгы мәчетләреннән берсе. 5 гасырга сузылган Госманлы империясе чорында архитектор Синан (1489—1588) тарафыннан төзелгән. София шәһәрендә бердәнбер эшләүче мәчет.
| Мәчет | |
 | |
| Ил | Болгария |
| шәһәр | София |
| Дин | Ислам |
| Бина төре | җәмигъ мәчете |
| Төзелеш еллары | 1566—1576 еллар |
| Төп даталар: | |
| Халәте | гамәлдә |
Тарих
үзгәртү- Төп мәкалә: Болгариядә ислам
Мәчет танылган госманлы архитекторы архитектор Синан тарафыннан проектланган һәм 1576 елда тәмамланган[1]. Мәчет исеме «күп мунча» дигәнне аңлатучы «Баня Баши» сүзтезмәсеннән алынган. Мәчетнең үзенчәлеге: ул табигый термаль чыганаклар өстендә төзелгән, хәтта мәчет диварлары янындагы җирдә җилләтү тишекләреннән күтәрелгән буны күрергә мөмкин.
Икенче бөтендөнья сугышыннан соң бинада өлешчә ремонт, буяу, штукатуркалау эшләре башкарылган. Соңгы унъеллыкларда ремонт төрек һәм гарәп вакыфлары ярдәмендә башкарыла. Алар ярдәме белән идән астына җылыту системасы урнаштырылган.
2006 елда болгар ультрамилләтчел АТАКА фиркасе әгъзалары мәчеттән азан тавышын яңгыратмауны таләп итеп, каршылык хәрәкәте башлыйлар: мәчет янында чатырлар корып, имза җыю оештыралар.
Тасвирлама
үзгәртүМәчетнең төп бинасы дүртпочмаклы. Бина ике катлы, өске каты хатын-кыз мөселманнар өчен. Диварлары зәңгәр төскә буялган. Мәчетнең диаметры 15 метр булган зур гөмбәзе, манарасы бар. Дүрт почмакта кечкенә башнялар урнашкан. Үзәк гөмбәз аккургаш пластинкалар белән капланган.
Мәчет җомга намазына 700 гә якын, ә Корбан гаетенә 1 200 гә кадәр мөселманны кабул итә ала.
Фотогалерея
үзгәртү- Баня баши мәчете
-
Мәчетнең көнбатыш яктан өстән күренеше -
Мәчет эче -
Мәчетнең манарасы -
Мәчет XIX гасырда -
Мәчет фасады
.jpg)
Сылтамалар
үзгәртү- Баня Баши джамия-София. 2022 елның 30 ноябрь көнендә архивланган. bgpanorama.com
- Мәчетнең 1914-1941 еллардагы фотосурәтләре
Искәрмәләр
үзгәртү- ↑ Banya Bashi Mosque. structurae.net