Mixail Xudäkov
Mixail Georgieviç Xudäkov 1894 yılnıñ 3 sentäberdä Malmıj şähärendä säwdägär ğäiläsendä tua.
Töp belemen Qazannıñ 1 gimnaziäsendä ala. 1913 yılda Qazan Üniversitäteneñ «Tarix wä Tel» bülemenä uqırğa kerep, 1918 yılda tamamlıy.
Uqudan soñ Ğığış Mäğärif İnstitütendä eşli, Tatarstannıñ qazış xaritasın yasí, Bolğar belän Bilär şähärläreneñ xäräbälärene öyränä. «Tatarlar buyınça fänni cämğiätne» oyıştıra. 1920 yıllarda anıñ fänni qızıqsınu Tatarlarnıñ däwlätçelek tarixı taba qarıy başlıy. Şul çorda dönya kürgän tarixi äsärläre:
- 1921 – «Böyek Şähär Xäräbäläre»
- 1922 – «İdel buyında Möslim mädäniäteneñ 1000 yıllığı»
- 1923 – «Qazan xanlığı tarixınıñ taswirı»
- 1924 – «Qazan Tatarlarınıñ miğmari sänğäte»
1925 yılda Leningrad şähärenä kitep Saltıkov-Çedrin isemle Íctimaği kitäpxänädä eşli başlıy. 1931 yılda Mätdi Mädäniät Akademisına eşlärgä küçep, İdeldäge Möslim mädäniäten öyränüen däwam itä. 1936 yılda ğälimgä tarix fäne buyınça doktor däräcäse birelä.
Ğömümän isä ğälim qäläme astınnan 120dän artıq fänni eş çıqtı.
1936 yılnıñ sentäber ayında ul “xalıq doşmanı” buluında ğäyeplänep qulğa alına. 1936 yılnıñ Dekäber ayında anı atıp üterälär.
Tatar cämägätçelege Mixail Xudákov ğälimenä çiksez xörmät belän qarıy.
Çığanaq
үзгәртү- Tatarstan jurnalı, 8/2004
 |
Bu bit mäqälä töpçege genä. Sez anı tulılandırıp, Wikipediägä yärdäm itä alasız. |