Erix Mariä Remark

Erix Mariä Remark (almança Erich Maria Remarque, tumışta Erich Paul Remark; 1898 - 1970) - Almaniä mäşhür yazuçısı, XX ğasırdağı iñ uqıla torğan ädiplärneñ berse.

Erix Mariä Remark almança Erich Maria Remarque
Erix Mariä Remark
Tulı iseme	Erich Paul Remark
Hönäre	ädip
Tuu datası	22 iyün 1898(1898-06-22)
Tuu cire	Osnabrük, Almaniä
Watandaşlığı	Almaniä, AQŞ
Ülem datası	25 iyün 1970(1970-06-25) (72 yäş)
Ülem cire	Eswiçrä, Lokarno

Remark Davosta, 1929

Anıñ iñ tanılğan äsärläre: "Könbatış frontta üzgäreşsez" (Im Westen nichts Neues) (1929), "Öç iptäş" (Drei Kameraden) (1936), "Tantanalı arka" (Arc de Triomphe) (1945), "Qara häykäl" (Der schwarze Obelisk) (1956).

Tärcemäi xäle

Remark 1898 yılda Almaniäneñ Osnabrük şähärendä, kitap töpläwçe ğailäsendä dönyağa kilä.

Yäşlek çaqta Stefan Tsveyg, Tomas Mann, Dostoyevskiy, Prust, Göte icadı belän mawığa.

1904 yılda çirkäw mäktäbenä, 1915 yılda katolik uqıtuçılar seminariäsenä kerä.

1916 yılda ğäskärgä çaqırıla. 1917 yılda Könbatış frontqa cibärelä.

1917 yılnıñ 31 iyülendä sul ayqqa, uñ qulğa häm muyınğa yaralana, suğış qalğan waqıtı Almaniädä, xärbi xastaxanäsendä yata.

1918 yılda änise ülgännän soñ, isemneñ öleşe anıñ xörmätenä üzgärtä - Mariä.

1919 yıldan törle xezmätlärdä eşli.

1921 yıldan Echo Continental jurnalınıñ möxärrire bulıp eşli.

1929 yılda "Könbatış frontta üzgäreşsez" mäşhür äsären yaza.

"Yandıru"

Natsilär Remark kitapların yandıralar, Berlin, Opernplats, 1933

1933 yılda Almaniädä xäkimiättä kilgän natsi köçläre Remark äsärlären tıya häm yandıralar. Natsi Almaniädä kitaplarnı yandıru çaralarınnan soñ Remark Eswiçrägä kitä.

Natsi köçläre Remarkka qarşı pıçıratu çaraların başlıy: anı yähüd, qurqaq, xiänätçe dip atıylar.

Anıñ apası Elfrida Şolts 1943 yılda natsilär tarafınnan qulğa alına, Hitler häm suğışqa qarşı äytkän süzlär öçen üterelä (başı kiselä). Faşişt xökemdarı: "Qızğanıçqa qarşı enegez bezdän qaçqan, läkin sez qotılmassız" - dip, ülemgä xökem itä. Natsi ütergän apası xörmätenä Remark "Tormış çatqısı" digän äsärne bağışlıy.

Möhacirlek

1937 yılda Marlen Ditrix belän tanışa.

1939 yılda AQŞqa kitä, 1947 yılda AQŞ watandaşlığın ala.

1970 yılda Eswiçrädä, Lokarno şähärendä wafat bula.

Remark "Yuğalğan buın" yazuçılarına qarıy.

Ädäbiät

• Эрих Мария Ремарк: жизнь и творчество
• Эрих Мария Ремарк 2020 елның 29 ноябрь көнендә архивланган.
• Письма к Марлен Дитрих. «Скажи мне, что ты меня любишь…»