Хизбут-тәхрир әл-Ислами

"Хизбут-тәхрир әл-Ислами" — сәясиләшкән дини фирка.

Flag of Hizb ut-Tahrir.png

ТарихҮзгәртү

1953 елда Фәлистиндә барлыкка килә. Аңа Тәхиетдин Нәбәхәни нигез сала. Фирка пирамида формасында өлешләрдән тора. Иң түбәндә — атнага бер укыту алып баручы мөшриф җитәкчелегендәне түгәрәк. Партиягә кандидат кабул иткәндә ул партия серләрен сатмыйм дип ант бирә. Әгъзаларның матди хәленә бәйле рәвештә һәр әгъза кертем түли. Җыелган акча техник чараларга, хезмәт хакы, әдәбиятне нәшер итүгә һ.б. китә.

ҖитәкчелекҮзгәртү

Фиркане Тәхиетдин Нәбәхәни оештыра.Ул аның беренче җитәкчесе була.1979 елдан фиркане Габдел Кадим Заллум җитәкли.2003 елда идарә Ата Әбү Рәшиткә күчә.

ЭшләреҮзгәртү

МаксатларыҮзгәртү

  • Бөтен дөнья мөселманнарын берләштергән бер дәүләт төзү.

ТаралышыҮзгәртү

Фирка Үрдүн, Тунис, Күвәйт, Фәлистыйн, Көнбатыш Аурупада киң таралган. Таҗикстанда, Үзбәкстанда, Кыргызстанда һ.б. илләрдә дә әгъзалары һәм оешмалары бар дип санала.

Русиядәге халәтеҮзгәртү

2003 елда бу фирка Русиядә рәсми рәвештә тыелган. Шушы елдан башлап Русиянең төрле төбәкләрендә "Хизб ут-Тәхрир" белән бәйле мәхкәмә эшләре бара. 2014 елда Русия үзенә Кырымны кушканнан соң анда да бу оешмага бәйле эзәрлекләүләр башланды.