Станислав Зась
Станислав Васильевич Зась (белар. Станісла́ў Васі́левіч Зась; 1964 елның 18 августы, Чернигов өлкәсе, Украин ССР, ССРБ) — белорус хәрби һәм дәүләт эшлеклесе. Күмәк куркынычсызлык турында шартнамә оешмасының (ОДКБ) Генераль секретаре (2020 елдан). Беларусь Республикасы Иминлек советы дәүләт секретаре (2015—2020), хәрби фәннәр кандидаты (2000), генерал-лейтенант (2016).
| Станислав Зась | |
|---|---|
.jpg) | |
| Туган телдә исем | белар. Станісла́ў Васільевіч Зась |
| Туган | 18 август 1964 (60 яшь) Чернигов өлкәсе, Украина Совет Социалистик Республикасы, СССР |
| Әлма-матер | Бакинское высшее общевойсковое командное училище имени Верховного Совета Азербайджанской ССР[d], Военная академия Республики Беларусь[d], РФ КК Генераль штабы хәрби академиясе[d] һәм Минское суворовское военное училище[d] |
| Һөнәре | гаскәрбашы |
| Хәрби дәрәҗә | генерал-лейтенант |
| Гыйльми дәрәҗә: | хәрби фәннәр нәмзәте[d] |
Тормыш юлы
үзгәртүСтанислав Зась 1964 елның 18 августында Украин ССРның Чернигов өлкәсендә туа. 1981 елда Минск Суворов хәрби училищесын тәмамлый[1]. 1985 елда Бакы югары гомуми хәрби команда училищесын, 1996 елда кызыл диплом һәм алтын медаль белән Беларусь Республикасы Хәрби академиясен, ә 2005 елда Россия Федерациясе Кораллы Көчләре Генераль штабының Хәрби академиясен кызыл диплом һәм алтын медаль белән тәмамлый.
Мотоукчылар взводы командиры, аерым разведка взводы командиры, мотоукчылар ротасы командиры, комендант ротасы командиры һәм батальон командиры урынбасары вазыйфаларында ССРБ Кораллы Көчләрендә хәрби хезмәт үтә. Беларусь Республикасының Кораллы Көчләрендә Беларусь Республикасы Кораллы Көчләре Генераль штабы баш оператив идарәсенең хәрби төзелеш бүлеге башлыгы була. Беларусь Республикасы Кораллы Көчләре Генераль штабының баш идарә башлыгы урынбасары — баш оператив идарәсенең 1 нче идарәсе башлыгы вазыйфасын башкара.
2008 елның 29 августында Беларусь Президенты Александр Лукашенко указы белән Республика куркынычсызлык советы дәүләт секретаре урынбасары итеп билгеләнә.
2015 елның 1 июленнән Куркынычсызлык советы дәүләт секретаре вазыйфаларын башкаручы.
2015 елның 4 ноябрендә Беларусь Куркынычсызлык советы дүләт секретаре итеп билгеләнә[2][3]. Бу вазыйфадан 2020 елның 3 гыйнварында азат ителә.
2016 елда Президент указы белән генерал-лейтенант исеме бирелә.
Куркынычсызлык советы дәүләт секретаре вазыйфасында булганда махсус хезмәтләрнең ролен көчәйтү буенча чаралар килештергән һәм Радиоешлыклар буенча дәүләт комиссиясен җитәкләгән[4][5][6].
ОДКБ
үзгәртү2018 елның декабрендә Станислав Зась кандидатурасы ОДКБ генераль секретаре постына тәкъдим ителә[7]. 2019 елда Беларусь җитәкчелеге ОДКБ генераль секретаре вазыйфасыннан Әрмәнстан вәкиле Юрий Хачатуровның отставкага китүенә бәйле рәвештә оешманың генераль секретаре итеп билгеләнүен тизләтергә тырышкан. Александр Лукашенко сүзләренә караганда, рәсми Минск Засьны генераль секретарь вазыйфасына Беларусия ягыннан башка кандидатуралар арасында тәкъдим иткән[8].
2019 елның 16 маенда ОДКБ генераль секретаре вазыйфаларын башкаручы Валерий Семериков журналистларга Зась оешманың киләсе башлыгы булачагын хәбәр итә: «Бу кандидатура килештерелде, күп кенә президентлар бу кандидатураны хупладылар — тиешле карарларга кул куелды»[9].
2019 елда Станислав Зась коррупцион җәнҗалга юлыккан: КДБ аеруча зур күләмдә ришвәт алган өчен Беларусия куркынычсызлык советының дәүләт секретаре урынбасарын кулга алган[10][11].
2020 елның 1 гыйнварыннан ОДКБ коллектив Куркынычсызлык Советы карары белән күмәк куркынычсызлык турында шартнамә оешмасының Генераль секретаре вазыйфасына өч елга билгеләнә[12]. Яңа генераль сәркатибне ОДКБ секретариаты коллективына Россия Тышкы эшләр министры урынбасары Александр Панкин тәкъдим иткән.
2020 елның 13 июлендә ОДКБ матбугат секретаре Владимир Зәйнетдинов журналистларга оешманың генераль секретаренең Әзербайҗан белән Әрмәнстан арасында активлашып киткән конфликтны җайга салуда катнашуы турында хәбәр итә[13].
Бүләкләр
үзгәртүIII дәрәҗә Ватан ордены (Беларусь)[14], ССРБ һәм Беларусь Республикасы медальләре белән бүләкләнгән.
Гаилә
үзгәртүХатыны — Инесса Николаевна Зась (1963), филолог-германист һәм тарихчы, Беларусия дәүләт педагогика университетының чит телләр кафедрасы укытучысы.
Искәрмәләр
үзгәртү- ↑ Кадетские биографии. Зась Станислав Васильевич
- ↑ Указ Президента № 295 ад 1 ноября 2015 года
- ↑ Перескочил через первого заместителя.
- ↑ Зась, Станислав Васильевич.
- ↑ Белоруссия: борьба с «российским заговором» в стране победившей коррупции.
- ↑ Шкловский Георгий Лукашенко диагностировал правоохранителей Белоруссии: «Дикость!».
- ↑ Ереван вновь опроверг слова Назарбаева о назначении генерального секретаря ОДКБ
- ↑ Лукашенко подписал проект решения о назначении Зася генсеком ОДКБM..
- ↑ ОДКБ возглавит представитель Белоруссии Зась — Семериков.
- ↑ Зась о деле Втюрина: слухи о заговоре – это чушь.
- ↑ «Спокойный и скромный». На суде по «делу Втюрина» обсуждают характеристики и благотворительность. 2020 елның 14 июль көнендә архивланган. архив күчермәсе, archived from the original on 2020-07-14, retrieved 2022-05-16
- ↑ Представитель Белоруссии Станислав Зась возглавит ОДКБ с 1 января.
- ↑ Генсек ОДКБ инициировал экстренное заседание постоянного совета.
- ↑ Указ Прэзідэнта Рэспублікі Беларусь ад 30 снежня 2002 года № 638 «Аб узнагароджанні ваеннаслужачых, асоб начальніцкага складу органаў унутраных спраў і прыраўнаваных да іх асоб медалём „За бездакорную службу“ I, II, III ступені»