Спорт картасы
Спорт картасы — спорт ориентлашуында куллану өчен детальләштерелгән һәм махсус шартлы билгеләр[1] белән ясалган бер топографик карта.
Спорт картасында координаталар челтәре, чын меридиан сызыклары, магнит төрләнеш, геодезик бәйләнешләр нокталары юк, һәм Халыкара спорт ориентлашуы федерациясе (IOF) таләпләренә туры китерелгән, план, почмак һәм биеклек үлчәнешләрен исәпкә алган махсус төгәллек системасы бар. Әлеге картаның махсус эчтәлеген тирә-юньне үтеп булу дәрәҗәләрен һәм сурәтләнгән объектларның индивидуаль үзенчәлекләрен күрсәтү тәшкил итә.
.png)
Ярышлар катнашучысына бирелгән картада спорт ориентлашуының һәр төренә туры килгән дистанция элементларын куе кызыл төскә буйыйлар (кызыл, шәмәхә төсләр дә рөхсәт ителә).
Спорт карталарында гадәттә 1:5000, 1:7500, 1:10 000 һәм 1:15 000 масштаблары һәм рельеф кисеменең биеклеге 5 м тәшкил итүе кулланыла. Биеклек сикерүе зур булмаган тирә-юньдәге тау битләвендә рельеф кисеменең биеклеге 2,5 м тәшкил итә ала .
Рәсәйдә спорт карталары Рәсәй спорт ориентлашуы Федерациясе (РСОФ) тарафыннан милли шартлы билгеләр белән тулыландырган IOF халыкара шартлы билгеләр системасына туры китерелгән РСОФ Инструкциясе нигезендә бастырыла.
Программ тәэминат
үзгәртү1988-1989 елларда Швейцария программисты һәм карталар төзүчесе Ганс Штейнеггер (алман. Hans Steinegger) OCAD картографик программасының беренче версиясен чыгарды. Бүгенге көндә спорт ориентлашуы карталарының якынча 95-98% әлеге программа ярдәмендә ясала[2].
2012 елда OCAD программасына альтернатив булган ирекле кроссплатформалы OpenOrienteering Mapper[3] проекты оешты.
Моны да карагыз
үзгәртүИскәрмәләр
үзгәртү- ↑ Условные знаки ISOM 2000.
- ↑ Scientific Journal of Orienteering, volume 16, p. 63. әлеге чыганактан 2010-07-02 архивланды. 2010-06-16 тикшерелгән.
- ↑ OpenOrienteering Mapper ICOM Presentation
Сылтамалар
үзгәртү- Спорт ориентлашуы карталары өчен шартлы билгеләр
- Мәскәү спорт карталары 2021 елның 20 октябрь көнендә архивланган.