Сирень Якупова
Сирень Якупова, Сирень Мөхиббулла кызы Якупова (1961 елның 26 августы, СССР, РСФСР, Татарстан АССР, Әлмәт районы, Түбән Абдул) ― шагыйрә, 2011 елның маеннан Татарстан Язучылар берлеге әгъзасы. Саҗидә Сөләйманова (2015), Һади Такташ (2021), Илдар Юзеев (2024) исемендәге әдәби премияләр лауреаты.
| Сирень Якупова | |
|---|---|
 | |
| Туган телдә исем | Сирень Мөхиббулла кызы Якупова |
| Туган | 26 август 1961 (63 яшь) СССР, РСФСР, Татарстан АССР, Әлмәт районы, Түбән Абдул |
| Милләт | татар |
| Бүләк һәм премияләре | Саҗидә Сөләйманова исемендәге әдәби премия Һади Такташ премиясе Илдар Юзеев премиясе |
Тәрҗемәи хәле
үзгәртүСирень Мөхиббулла кызы Якупова 1961 елның 26 августында Әлмәт районы Түбән Абдул авылында дөньяга килә. 1978 елда Елховой урта мәктәбен тәмамлый, аннары Әлмәт төзелеш техникумында белем ала. Нәкъ шул елларда районның “Хезмәт байрагы” газетасында аның беренче шигырьләре дөнья күрә. Хезмәт юлын шагыйрә туган авылы мәктәбендә башлый. Ярты ел укытучы булып эшләгәч, шигырендәгечә “хыялы артыннан йөгереп”, янә Әлмәт каласына китеп бара. 1982 елның җәендә инде яшьләр шәһәре Чаллыга килә. Башта КамАЗның агрегат, аннан соң кече литражлы автомобильләр җыю заводында эшли. Чаллы каласының «Шәһри Чаллы» газетасында хезмәт куя, 2015 елдан Татарстан Язучылар берлеге хезмәткәре[1].
Иҗаты
үзгәртү1982 елларда аның шигырләре, язмалары КАМАЗның “Нур” газетасында даими урын ала.1990 елларда Сирень Якупова “Ләйсән” әдәби-иҗат берләшмәсенә йөри башлый, ул “Йолдызлы уйлар” исемле тәүге китабын чыгара. 2006 елда шагыйрә “Шәһри Чаллы “ газетасы редакциясенә эшкә килә, 2013 елга кадәр шунда хезмәт куя.Шул чорда шәһәр һәм республика матбугатында аның күп кенә шигырьләре, хикәяләре, язмалары дөнья күрә, китаплары чыга. Алар тирән фәлсәфәгә, үзенчәлекле табышларга бай булуы белән укучыны җәлеп итә. Сирень Якупова 2011 елның маеннан Татарстан Язучылар берлеге әгъзасы.
Төп басма китаплары
үзгәртү- «Йолдызлы уйлар»: шигырьләр (2003)
- «Ике гасыр баласы мин» (2005)
- «Яшәү сере» (2008)
- «Өстәгеләрдән дә өстә»: шигырьләр, хикәяләр, эсселәр (2011).
- "Кар юлы": шигырьләр (2014).
- "Бәхет күлмәге": хикәяләр (2017).
- "Төшләремә яланаяк керәм..." : шигырьләр (2020)
Бүләкләре
үзгәртү- 2015 ― Саҗидә Сөләйманова исемендәге әдәби премия ― «Кар юлы» китабы (Казан: ТКН, 2014) өчен[2].
- 2021 ― Һади Такташ премиясе ― «Төшләремә яланаяк керәм…» (Рухият, 2020) китабы өчен [3].
- 2024 ― Илдар Юзеев премиясе ― «Йөрәгемне ташка орыр булып...» шигырьләр циклы һәм актив әдәби-иҗтимагый эшчәнлеге өчен[4].
Искәрмәләр
үзгәртү- ↑ Сирень Мөхиббулла кызы Якупова. ТР Язучылар берлеге сайты
- ↑ Саҗидә Сөләйманова премиясе 10нчы тапкыр тапшырылды. 2016 елның 5 март көнендә архивланган. Казан утлары
- ↑ Татарстан Язучылар берлегенең әдәби премияләре лауреатлары билгеле булды. ТР Язучылар берлеге сайты
- ↑ Рузилә Мөхәммәтова. «Мәйдан» журналы Илдар Юзеев премиясен беренче мәртәбә Казанда тапшырды. Татар-информ, 20.04.2024
