Садак (журнал, 1917)

Бу Алматыда чыккан журнал турында мәкалә, Уфа журналы турында моннан укыгыз

Садак
Tөр	әдәби-нәфис, сатирик
Формат	айга 2
Гамәлгә куючы	Мөселман эшчеләренең берләштерелгән берлеге
Нәшер итүче	«Садак» җәмгыяте
Нигезләнде	1917
Тел	татар теле
Публикацияләр туктату	1.05.1918
Төп офис	Төркестан АССР, Верный

«Садак» ― әдәби-нәфис һәм сатирик журнал. 1917―1918 елларда Верный шәһәрендә (Төркестан АССР) татар телендә айга 2 мәртәбә нәшер ителгән.

Тарих

Октябрь революциясе алдыннан Төркестан краенда хезмәт ияләренең беренче массакүләм оешмалары барлыкка килә. Верный (1921 елдан Алма-Ата) шәһәрендә «Мөселман эшчеләренең берләштерелгән берлеге» (рус. Объединенный союз мусульманских рабочих) оештырыла. Ул 1917 елның 13 декабрендә халык арасында популяр булган «Садак» сатирик журналы чыгара башлый.

Басманың нашире ― «Садак» җәмгыяте. Журнал литографик ысул белән бастырылган. Әдәби-нәфис, рәсемле сатирик журнал айга 2 мәртәбә чыгар дип планлаштырылган булган.

Басманың мөхәррире ― татар язучысы, тәрҗемәче, журналист Зариф Бәшири (Зариф Шәрәфетдин улы Бәшири, 1888―1962). Якын хезмәттәшләренең берсе ― Ораз Җандосов (1899―1938), соңрак күренекле партия һәм дәүләт эшлеклесе, танылган публицист.

1918 елның апрелендә, 5 саны дөнья күргәч, чыгудан туктаган.

Чыганаклар

1. «Садак» (Лук). Татарский энциклопедический словарь. Казань: Институт татарской энциклопедии АН РТ, 1999, стр.494. ISBN 0-9530650-3-0

Сылтамалар

• Садак (Лук). «Милләттәшләр» порталы
• Тәлгат Насыйров. Октябрь һәм эзәрлекләнгән татар матбугаты. Казан утлары, 2005 ел, № 10, 157-175нче бит.