Рәэссөгъбан
Рәэссөгъбан (гарәп. رأس الثعبان рә’с әҫ-ҫө‘бан — «зур еланның башы»[1]; Аждаһа β, Аждаһа бетасы, β Dra) — Аждаһа йолдызлыгының яктырыш буенча өченче йолдызы. Аның күренмә йолдызча зурлыгы +2,79m тәшкил итә. Бу куш йолдыз Җирдән якынча 360 яктылык елы ераклыкта урнашкан.
Хасиятләр үзгәртү
Бу G2 спектр сыйныфылы зур йолдыз. Аның тирәсендә кәрлә йолдыз әйләнә.
Йолдызның координатлары (J2000 дәвере):
- Туры калкулык: 17h 30m 25,96s
- Авышлык: +52° 18′ 04,99″
Исем үзгәртү
Йолдызның гарәп теленнән алынган исем Рәэссөгъбан (Рәэселсөгъбан, гарәп. رأس الثعبان рә’с әҫ-ҫө‘бан, ингл. Rastaban) «Аждаһаның башы» белдерә. «Әлмагест» китабында Птолемей аны «күздән өскәрәк йолдыз» дип атады[2], ә әл-Бируни үзенең «Мәсгуд кануны» китабында — тик «күз»[3].
Искәрмәләр үзгәртү
- ↑ Рәэс — баш; сөгъбан — зур елан, аждаһа. — Гарәпчә-татарча-русча алынмалар сүзлеге: татар әдәбиятында кулланылган гарәп һәм фарсы сүзләре / К.З. Хәмзин, М.И. Мәхмүтов, Г.Ш. Сәйфуллин. — Казан: Тат. кит. нәшр., 1965. — 792 б.
- ↑ Птолемей К. Альмагест: Математическое сочинение в тринадцати книгах: пер. с древнегреч. И.Н. Веселовского. — М.: Наука, 1998. — 672 с. — С. 226.
- ↑ Звездный каталог ал-Бируни с приложением каталогов Хайама и ат-Туси // Историко-астрономические исследования. Вып. VIII. — М.: Физматгиз, 1962. — С. 94.