Ришат Фазлыйәхмәтов

Ришат Фазлыйәхмәтов, Ришат Нур улы Фазлыйәхмәтов (1989 елның 15 феврале, СССР, РСФСР, Мари АССР, Бәрәңге районы, Мазарбашы) ― татар эстрадасы җырчысы, Татарстан мәдәният министрлыгының «Мәдәнияттәге казанышлар өчен» күкрәк билгесе иясе (2023).

Ришат Фазлыйәхмәтов
Төп мәгълүмат
Тулы исеме	Ришат Нур улы Фазлыйәхмәтов
Туу көне	15 февраль 1989(1989-02-15) (35 яшь)
Туу урыны	СССР, РСФСР, Мари АССР Бәрәңге районы, Мазарбашы
Эшчәнлек еллары	2010 - х. в.
Дәүләт	СССР РФ
Һөнәрләр	җырчы
Жанрлар	эстрада
Коллективлар	Барс-Медиа
Ришат Фазлиахметов

Тәрҗемәи хәле

1989 елның 15 февралендә Мари АССР Бәрәңге районы Мазарбашы авылында туган. Әтисе Нур (2012 елда вафат) инженер-механик булып, әнисе Луиза (2014 елда вафат) аш-су остасы булып эшләгән. Бертуганнары Рифат (2006 елда вафат), Ринат, Рүзәл.

Казан дәүләт мәдәният институтын тәмамлаган (укытучылары – Римма Ибраһимова, Кирам Сатиев). Икенче курстан Салават Фәтхетдинов төркемендә җырлый башлаган. «Барс Медиа»га күчкән. Шул чорда «Ак шомырт та, ак сирин» (Р. Габделганиев көе hәм сүзләре) җыры белән тамашачыга таныла. 2018 елда «Барс Медиа» компаниясе белән килешү тәмамлану сәбәпле, үзенең концерт төркемен булдырган.

Танылган җырлары

• Ак шомырт та, ак сирень
• Әле ярый, син очрадың
• Сәлам әйтегезче, кошкайлар
• Син кирәк
• Әткәй
• Яшәтәсе килә әниләрне
• һ. б.

Бүләкләре, мактаулы исемнәре

• 2023 ― «Мәдәнияттәге казанышлар өчен» күкрәк билгесе

Гаилә хәле

• Беренче никахы Гөлназдан улы Искәндәр.
• Икенче никахы Эльмира (Тәтишкә).