Рафаил (Огородников)
Иеромонах Рафаил (Борис Иоильевич Огородников; 1951 елның 10 мае, Чистай, ССРБ — 1988 елның 18 ноябре, Новгород өлкәсе, ССРБ) — Рус православие чиркәве рухание.
| Рафаил | |
|---|---|
| Туган | 10 май 1951 яки 1951[1] Чистай, Татарстан АССР, РСФСР, СССР |
| Үлгән | 18 ноябрь 1988 яки 1988[1] Новгород районы[d], Новгород өлкәсе, РСФСР, СССР |
| Ватандашлыгы |  Россия[2] |
| Һөнәре | рухани |
Тормыш юлы үзгәртү
Борис Огородников 1951 елның 10 маенда Чистай шәһәрендә туа. Әтисе — Иоиль Максимович — өй җиһазлары фабрикасы директоры, әнисе — Маргарита Емельяновна — укытучы. Абыйсы — Александр Огородников — танылган совет диссиденты, Россия сәясәтчесе, Россиядә христиан-демократик хәрәкәткә нигез салучыларның берсе[3].
1967 елда урта мәктәпнең 9 нчы сыйныфын тәмамлагач, Борис Чистай сәгать заводына токарь буларак эшкә китә. Велоспорт белән актив шөгыльләнә, спорт мастеры була һәм 1968 елда яшьүсмерләр арасында Россия чемпионы исемен яулый. Велосипедтан тыш, автомобиль ярышлары белән дә мавыккан, ярышларда катнашкан.
1969 елдан 1971 елга кадәр Ерак Көнчыгышта, чик буе гаскәрләрендә хезмәт итә. Сержант исемендә демобилизацияләнә.
1972 елда, имтиханнар тапшырганнан соң, Мәскәү корыч һәм эретмәләр институтына укырга керә. 1973 елда университеттан куылган. 1974 елда Мәскәү руханилар семинариясенә укырга кермәкче була, ләкин кабул ителми.
1975 елда Рафаил исеме белән монахлыкка күчә. 1976 елда Псков һәм Порхов митрополиты Иоанн (Разумов) тарафыннан иеромонах саны бирелә. 1984 елдан Псков өлкәсенең Порхов шәһәре храмында хезмәт итә.
1988 елның 18 ноябрендә Новгород янындагы Ленинград шоссесының 415 чакрымында һәлакәткә очрый.
Искәрмәләр үзгәртү
- ↑ 1,0 1,1 Faceted Application of Subject Terminology
- ↑ Deutsche Nationalbibliothek Record #12965678X // Gemeinsame Normdatei — 2012—2016.
- ↑ Ксения Кириллова, Александр Огородников (17 июля 2013). Александр Огородников о иеромонахе Рафаиле и неслучайных случайностях. pravmir.ru.
Әдәбият үзгәртү
- Марк (Хомич), иером. Монахи – возлюбленные дети Господни. Книга воспоминаний о иеромонахе Василии (Рослякове) и иеромонахе Рафаиле (Огородникове). — М.: Параклит, 2004. — 509 с. — ISBN 978-5-904266-88-2.
- Архимандрит Тихон (Шевкунов). «Несвятые святые» и другие рассказы. — М.: Изд-во Сретенского монастыря; ОЛМА Медиа Групп, 2011. — 640 с.: ил. — ISBN 978-5-7533-0611-1, ISBN 978-5-373-00597-5.