Петр һәм Павел чиркәве (Иске Тәрбит)
Петр һәм Павел чиркәве — Татарстанның Кайбыч районы Иске Тәрбит авылында 1888 елдан алып 1920 елгача халкына хезмәт күрсәткән тарихи чиркәү.
| чиркәү | |
Петр һәм Павел чиркәве
| |
| Ил | Россия |
| Район | Татарстан, Кайбыч, Иске Тәрбит |
| Дин | Православие |
| Мәхәллә | Казан епархиясе |
| Бина төре | агач гыйбадәтханә |
| Беренче телгә алу | 1888 |
| Халәте | ябык |
| Петр һәм Павел чиркәве | |
| Нигезләнү датасы | 1888 |
|---|---|
| Дәүләт |
 Россия империясе |
| Ябылу вакыты | 1920 ел |
 | |
Географиясе
үзгәртүЧиркәү Казан губернасы Чуел өязе Иске Тәрбит авылында урнашкан була.
Тарихы
үзгәртүИске Тәрбит җирлегендә чиркәү язмышы башка җирләрдәге кебек аяныч төгәлләнгән. Иске Тәрбит авылында изге апостоллар Петр белән Павел хөрмәтенә агач чиркәү 1888 елда ук салынган.[1] 1897 елда анда чиркәү-приход мәктәбе дә ачылган. XX йөз башында авылда чиркәү каршында 4 сыйныфлы земство мәктәбе (яңа бина төзелә),[1] 2 укырга-язарга өйрәнү мәктәбе була.[2]
1888 елның 9 апрелендә Казан һәм Свияжск архиепискобы Павел (П.В.Лебедев) Иларионов Архипны Казан губернасы Чуел өязе Иске Тәрбит авылы Петр һәм Павел чиркәве рухание итеп куя. 1888 елның 9 апреленнән 1893 елның 1 маена кадәр А.Иларионов Иске Тәрбит мәктәбенең закон чыгаручысы була.[3]
1888 елның 19 декабрендә кабул ителгән КДК Указы нигезендә аңа «Иске Тәрбит мәхәлләсендә законсыз рәвештә теркәлгән 40тан артык парны никахлаган өчен» Казан һәм Свияжск архиепискобы Павел (П.В. Лебедев) «Божие Благословение» дип игълан итә. А.Иларионовка шул ук архиерейдан тагын ике бүләк – «пастыр бурычын үтәүгә тырышлык өчен» һәм архипастыр фатихасында «халык мәгарифе эшенә яхшы хезмәт иткән өчен» КДКның 1889 елның 11 мартындагы һәм 1890 елның 8 февралендәге указлары белән игълан ителә. 1893 елның 9 мартында, үтенеч буенча, А.Иларионов Казан губернасы Лаеш өязе Үри Чаллысы авылына күчерелә.[3]
Чиркәү 1920 елда ябылган.[4][5] 1930 елларда чиркәүнең чаңын алып атканнар.
1936 елда чиркәү клуб һәм уку өе итеп үзгәртеп корыла.[1] Бинасы 1972 елга кадәр авыл клубы вазифасын үтәгән. Шушы елны элеккеге чиркәүне бөтенләй сүтәләр һәм бүрәнәләреннән яңа урында клуб төзиләр. 2003 елда ул клуб янып көлгә әйләнә, һәм чиркәүнең соңгы истәлекләре дә юкка чыга.
2014 елның 21 нче июлендә чиркәү урынына авылда Петр һәм Павел часовнясы ачыла.
Искәрмәләр
үзгәртү- ↑ 1,0 1,1 1,2 Онлайн - энциклопедия Tatarica. Иске Тәрбит.
- ↑ История села Старое Тябердино., archived from the original on 2021-09-04, retrieved 2021-09-04
- ↑ 3,0 3,1 Живой словарь (статья 20) - кряшенские священники - Архип Иларионов.
- ↑ Метрические книги : Петропавловская церковь, 1888-1920.
- ↑ Ссылки на метрические книги Казанской губернии.