Wikipedia

Олег Матыцин

Олег Васильевич Матыцин (1964 елның 19 мае, Мәскәү) — Россия сәяси һәм спорт эшлеклесе. 2020 елның 21 гыйнварыннан Россия Федерациясе спорт министры[1].

Олег Матыцин
Туган 19 май 1964(1964-05-19) (60 яшь)
Мәскәү, СССР
Ватандашлыгы  Россия
Әлма-матер Русия дәүләт физик мәдәният, спорт, яшьләр һәм туризм университеты[d]
Һөнәре министр
Гыйльми дәрәҗә: педагогика фәннәре докторы[d]

 Олег Матыцин Викиҗыентыкта

Педагогика фәннәре докторы (2002), профессор (1999), Россия мәгариф академиясе әгъза-корреспонденты[2], Россия Федерациясе Президенты каршындагы Физик культура һәм спортны үстерү советы әгъзасы[3].

Халыкара студентлар спорты федерациясе (FISU) президенты (2021 елның 23 мартыннан WADA санкцияләре белән бәйле рәвештә FISU башлыгы вазыйфасында эшчәнлеген туктата)[4], Россия студентлар спорты берлегенең мактаулы президенты. Россия дәүләт физик культура, спорт, яшьләр һәм туризм университеты ректоры (2001—2006).

Тормыш юлы

үзгәртү

Олег Матыцин 1964 елның 19 маенда Мәскәүдә туган.

Спорт казанышлары

үзгәртү

Өстәл теннисы белән профессиональ рәвештә шөгыльләнгән, ярышларда «Буревестник» спорт җәмгыятен тәкъдим иткән. Өстәл теннисы буенча ССРБның спорт мастеры (1980), ССРБ кубогы иясе (1982), ССРБ халыкларының VII спартакиадасы призёры (1983), РСФСР чемпионаты призёры (1984)[5][6].

1980 еллар уртасыннан өстәл теннисы буенча ГЦОЛИФК җыелма командасын күнектергән. Команда ике тапкыр Бөтенсоюз универсиадасы чемпионы (1988, 1990) һәм студентлар арасында дөнья чемпионы (1992) булган. 1997 елда Олег Матыцинга Россия Федерациясенең атказанган тренеры исеме бирелә.

1985 елда Ленин ордены Дәүләт үзәк физик культура институтын тәмамлый (ГЦОЛИФК, хәзер — РГУФКСМиТ). 1989 елда шунда ук аспирантураны тәмамлый, 1990 елда «Эшчәнлекнең һәм шәхеснең индивидуаль-психологик үзенчәлекләрен исәпкә алып, өстәл теннисында югары квалификацияле спортчыларны әзерләү» дисссертациясе яклап педагогика фәннәре кандидаты дәрәҗәсе ала. 1990 елның сентябрендә халык мәгарифе буенча ССРБ Дәүләт комитеты тарафыннан Пекин спорт университетына фәнни-педагогик стажировка үтү өчен җибәрелә, 1991 елда диплом ала. 2002 елда Урал дәүләт физик культура академиясендә (хәзер УралГУФК) «Спортның индивидуаль уен төрләрендә күпьеллык әзерлек этапларында яшь спортчыларның махсус әзерлекләрен формалаштыру системасы: өстәл теннисы материалында» темасына докторлык диссертациясе яклый[7][8].

2006 елда Россия Федерациясе Президенты каршындагы Россия дәүләт хезмәте академиясендә «Дәүләт һәм муниципаль идарә» белгечлеге буенча икенче югары белем ала.

Карьера

үзгәртү

1991 елда КХРда стажировка тәмамланганнан соң, укытучы сыйфатында ГЦОЛИФК-РГУФКСМиТка эшкә кайта. 1996 елда доцент исемен ала һәм шәхси һөнәри белем бирү факультеты деканы итеп билгеләнә. 1996—1999 елларда — шәхси һөнәри белем бирү факультеты деканы. 1999—2001 елларда уку эшләре буенча проректор вазыйфасын башкара. 2001 елдан 2006 елга кадәр вуз ректоры булган. Аннары 2006 елдан алып 2015 елга кадәр университет президенты булган.

2009 елда Мәскәүнең Басман суды Олег Матыцинны РГУФКСМиТ Президенты вазыйфасыннан читләштергән, ә 2012 елның мартында башкаланың Измайлово суды аны университет файдаланган федераль җирне Черкизов базарына арендага биргән вакытта вазифаи вәкаләтләрне арттыруда гаепле дип тапкан. Тикшерү буенча федераль бюджетка 120 млн сум күләмендә зыян салган. Матыцин үз гаебен танымаган һәм яклау карар университетның гыйльми советы утырышларында кабул ителгән һәм аренда акчасы югары уку йорты бюджетына сарыф ителгән, дип белдергән. Суд Матыцинны җинаять җаваплылыгына тартуның вакыты тәмамлануга бәйле рәвештә җәзадан азат иткән[9][10].

РГУФКСМиТта эш белән бер үк вакытта 2005 елда Россия студентлар спорты берлеге (РССС) президенты итеп сайлана, аны 2015 елга кадәр җитәкләгән. РССС президенты буларак, Бөтендөнья җәйге Универсиадаларын уздыру хокукына Казан һәм Красноярск кампанияләрендә актив катнашкан; 2013 елда Казанда узган XXVII Бөтендөнья җәйге Универсиаданың һәм 2019 елда Красноярскта узган XXIX Бөтендөнья кышкы Универсиаданың оештыру комитетлары составына керә. Олег Матыцин 2005, 2007, 2009, 2011, 2013 һәм 2015 елгы Бөтендөнья Универсиадаларында Россия делегациясе җитәкчесе була.

2005 елда Аурупа университет спорты ассоциациясе (EUSA) башкарма комитеты составына сайлана. 2007 елда Халыкара университет спорты федерациясе (FISU) башкарма комитеты әгъзасы була. 2011 елда FISUның беренче вице-президенты итеп сайлана. 2015 елның ноябрендә Лозаннада узган FISU башкарма комитеты сайлауларында президент вазыйфасына сайланган[11][12].

FISU президенты сыйфатында FISU-2027 Глобаль стратегиясен эшләү инициативасы белән чыккан, ул Тайбэйда 35 нче FISU Генераль ассамблеясында расланган[13]. Матыцин җитәкчелегендә FISU ике җәйге һәм ике кышкы Универсиада үткәргән. Люцернда (2021) һәм Лэйк-Плэсидта (2023) кышкы һәм Чэндуда (2021) һәм Екатеринбургта (2023) җәйге Универсиадалар үткәрү турында контрактларга кул куйган. 2018 елда Матыцин олимпия мәгарифе буенча Халыкара Олимпия комитеты комиссиясе составына кергән[14]. 2019 елда Туринда FISU Генераль ассамблеясендә FISU президентлыгының икенче срокка сайлана[15].

2021 елның 23 мартында Халыкара студентлар спорты федерациясе президенты вазыйфасында эшчәнлеген туктата. Карар Бөтендөнья допингка каршы агентлыгы (WADA) тарафыннан Мәскәү допингка каршы лабораториясе (LIMS) мәгълүматлар базасын фальсификацияләү аркасында кертелгән санкцияләр белән бәйле — Россия чиновникларына халыкара спорт федерацияләрендә ике ел дәвамында җитәкче вазыйфаларны биләү тыела[16].

Россия спорт министры

үзгәртү

2020 елның 21 гыйнварында Михаил Мишустин Хөкүмәтендә Россия Федерациясе Спорт министры итеп билгеләнә.

Олег Матыцин РФ Президенты каршындагы Физик культура һәм спортны үстерү советы әгъзасы булып тора.

Россия Олимпия комитетының (ОКР) һәм Халыкара Олимпия комитетының олимпия белеме буенча комиссияләр составына керә.

Россия мәгариф академиясенең әгъза-корреспонденты (мәгариф һәм мәдәният бүлегендә тора).

Гаилә

үзгәртү

Өйләнгән, ике улы бар. Апасы — Наталья.

Фәнни эшчәнлек

үзгәртү

Олег Матыцин 80 фәнни хезмәт, шул исәптән биш дәреслек һәм ике монография бастырып чыгарган: «Өстәл теннисы. Билгеле турында билгесез» (1994), «Өстәл теннисы буенча яшь спортчыларны әзерләү» (1995).

Барчукова Г. В., Богушас В. М. М., Матыцин О. В. Теория и методика настольного тенниса: учебник для студ. высш. учеб. заведений. — Москва: Издательский центр «Академия», 2006. — 528 с. — ISBN 5-7695-2167-8.

Бүләкләр һәм исемнәр

үзгәртү
  • Өстәл теннисы буенча ССРБның спорт мастеры (1980)
  • Россия Федерациясенең атказанган тренеры (1997)
  • Россия Федерациясе Югары һөнәри белем бирү мактаулы хезмәткәре (2003)
  • Дуслык Ордены кавалеры (2006)
  • Почёт Ордены Кавалеры (2017)

Берничә ведомство бүләкләре иясе, шул исәптән РФ Спорт министрлыгының «Физик культура һәм спортны үстерүдәге казанышлары өчен» мактау билгесе һәм Россия Олимпия комитетының «Россиядә олимпия хәрәкәтен үстерүдәге казанышлары өчен» мактау билгесе[17].

Шулай ук Олег Матыцин Пекин спорт университетының мактаулы докторы (2005), Васил Левски исемендәге милли спорт академиясенең мактаулы докторы (Болгария, 2005), Литва спорт университетының мактаулы докторы (Литва, 2015).

Искәрмәләр

үзгәртү
  1. ↑ Олег Васильевич Матыцин, Правительство России
  2. ↑ Члены-корреспонденты Российской академии образования «Российская академия образования», archived from the original on 2021-01-16, retrieved 2022-05-29 
  3. ↑ Состав участников совета, Сайт Президента РФ
  4. ↑ Министр Олег Матыцин приостановил деятельность на посту главы Международной федерации студенческого спорта
  5. ↑ Раздел 6. Персоналии руководителей и ведущих специалистов сферы физической культуры и спорта
  6. ↑ Биография нового министра спорта Олега Матыцина, ТАСС
  7. ↑ Чем известен Олег Матыцин (2020-01-21).
  8. ↑ Олег Матыцин: Я уезжал комсомольцем, членом партии. Вернулся — всё рухнуло. 2020 елның 9 ноябрь көнендә архивланган., Студенческая хоккейная лига
  9. ↑ Суд освободил экс-ректора вуза от наказания за передачу земли рынку
  10. ↑ Министр спорта РФ был судим за передачу земель университета физкультуры под «Черкизон», archived from the original on 2020-02-17, retrieved 2022-05-29 
  11. ↑ Олег Матыцин возглавил мировой студенческий спорт.
  12. ↑ Matytsin ousts incumbent Gallien as President of FISU (08-11-2015).
  13. ↑ FISU to develop 10-year strategic plan to guide organisation's operations (09-03-2016).
  14. ↑ Помирить Россию с МОК: чем новый глава Минспорта Олег Матыцин лучше Павла Колобкова, DailyStorm
  15. ↑ Высокая оценка работы. Олег Матыцин переизбран на пост президента FISU (2019-11-16).
  16. ↑ Матыцин приостановил деятельность во главе Международной федерации студенческого спорта (2021-03-23).
  17. ↑ Почётный президент, Российский студенческий спортивный союз

Сылтамалар

үзгәртү
Чыганак — https://tt.wikipedia.org/w/index.php?title=Олег_Матыцин&oldid=4247341