Тәлгать Нәҗмиев
Тәлгать Самат улы Нәҗмиев — татар язучысы, журналист, Татарстанның атказанган мәдәният хезмәткәре, җɵмһүрᴎят журналистларының Х. Ямашев исемендәге бүләге лауреаты, «Бәллүр каләм» призы иясе. 2001 елдан Татарстан Язучылар берлеге әгъзасы.
| Тәлгать Нәҗмиев | |
|---|---|
 | |
| Туган телдә исем | Тәлгать Самат улы Нәҗмиев |
| Туган | 1 март 1950 СССР, РСФСР, ТАССР, Кукмара районы, Байлангар |
| Үлгән | 4 октябрь 2014 (64 яшь) РФ, ТР, Саба районы, Байлар Сабасы |
| Милләт | татар |
| Ватандашлыгы |  СССР→ РФ |
| Һөнәре | язучы, журналист |
| Җефет | Лемара (Фатыйхова) |
| Балалар | улы Нияз, кызы Гөлназ |
| Ата-ана |
|
| Бүләк һәм премияләре | Татарстанның атказанган мәдәният хезмәткәре, җɵмһүрᴎят журналистларының Х. Ямашев исемендәге бүләге лауреаты, «Бәллүр каләм» призы иясе. |
Тормыш юлы
үзгәртүТәлгать Нәҗмиев 1950 елның 1 мартында Татарстанның Кукмара районы Байлангар авылында колхозчы гаиләсендә туа. 1969-1972 елларда Сәвит әрмесе сафларында хезмәт итә, кайткач Саба районының мәдәният бүлегендә автоклуб мөдире булып эшли. Шәмәрдән эшче-яшьләр кичке мәктәбендә укып, аттестат ала. Казан дәүләт университетыныж татар теле һәм әдәбияты бүлеген тәмамлаган (читтән торып уку бүлеген, 1973—1978).
1972-1975 елларда районда җирле тапшырулар оештыра. Аннары КПСС райкомының пропаганда һәм агитация бүлеге инструкторы итеп күчерелә.
Тәлгать Нәҗмиев 1981 елда «Җиңү байрагы» (хәзерге «Саба таңнары») газетасы мөхәррире итеп билгеләнә һәм бу вазыйфаны 2008 елга кадәр алып бара.
Аның «Җирдә калсын эзләрең», «Керик әле Саба урманнарына», «Яшә, Саба-Йорт!», «Туган туфрак кадере», «Саба шагыйрьләре», «Сабаларда эчәр суым булгач» китаплары дөнья күрде.
2001 елдан Татарстан Язучылар берлеге әгъзасы.
2014 елның 4 октәбрендә вафат[1], Байлар Сабасы зиратында җирләнде.
Искәрмәләр
үзгәртү- ↑ Язучы-публицист, журналист Тәлгать Нәҗмиев вафат. matbugat.ru, 04.10.2014
Чыганаклар
үзгәртү- Татар календаре, 2010. «Мәгариф нәшрияты», Казан.