Михаил Калинин

Михаил Иван улы Калинин («Бөтенсоюз старостасы», рус. Михаил Иванович Калинин, 7 (19) ноябрь 1875(18751119), Югары Троица, Корчева өязе, Тверь губернасы, Россия империясе — 3 июнь 1946, Мәскәү, ССРБ) — инкыйлабчы, совет дәүләт эшлеклесе, Социалистик Хезмәт Каһарманы (1944).

Михаил Калинин
ССРБ ҮБК рәисе (РСФСРдан)
Вазыйфада 30 декабрь 1922 – 12 гыйнвар 1938
Аңа кадәр	вазифа барлыкка килгән
Дәвамчысы	вазифа юкка чыгарылган;
ССРБ Югары Шурасы Президиумы рәисе
Вазыйфада 17 гыйнвар 1938 – 19 март 1946
Аңа кадәр	вазифа барлыкка килгән;
Дәвамчысы	Николай Шверник
БҮБК рәисе
Вазыйфада 30 март 1919 – 15 июль 1938
Дәвамчысы	вазифа юкка чыгарылган
Туган	7 (19) ноябрь 1875(18751119) Югары Троица авылы, Корчева өязе, Тверь губернасы, Россия империясе
Үлгән	3 июнь 1946(1946-06-03)[…] (70 яшь) Мәскәү, РСФСР, ССРБ
Җефет	Екатерина Ивановна Калинина[d]
Балалар	Уллары − Валериан һәм Александр, кызлар − Юлия һәм Лидия
Сугышлар/бәрелешләр	Алман-совет сугышы

1898 елдан РСДРП (б) әгъзасы. Эшчеләр арасында инкыйлаби өндәүне алып барган. «Эшче сыйныфны азат итү өчен көрәш берлеге»нең Петербург бүлекчәсе әгъзасы, «Искра» гәҗитенең актив хәбәрчесе. Күп тапкыр кулга алынган һәм сөргенгә җибәрелгән.

Февраль икыйлабында актив катнашкан. 1917 елның сентябреннән Петроград шәһәр управасы әгъзасы, район управасы рәисе; беренче легаль Петроград большевиклар комитәсенең әгъзасы, РСДРП(б) ҮК да аның вәкиле. «Правда» гәҗите мөхәрририятенә кергән.

1919—1938 елларда БҮБК рәисе, 1922 елдан берүк вакытта ССРБ ҮБК рәисе. 1938—1946 елларда ССРБ Югары Шурасы Президиумы рәисе. 1946 елның мартыннан ССРБ Югары Шурасы әгъзасы.

Истәлек

2005 елдагы хәле буенча, Калинин исемен 3358 мәйдан, урам, проспект вә тыкрык йөртә.. Донецк, Чабаксар, Чиләбе һәм Горловка шәһәрләрендә Калинин районы бар. Калинин исемен йөртүче ике шәһәр бар — Калининград (элекке Көнигсберг), Калининск (Сарытау өлкәсе). Совет дәверендә Калинин исемен Тверь (Калинин), Королёв (Калининград) һәм Таҗикстандагы Сәрбәнд (Калининабад) шәһәрләре йөрткәннәр.