Минсәгыйть Шакиров

Минсәгыйть Шакиров (Минсәгыйть Закир улы Шакиров, 1948―2023) – Татарстан Республикасы муниципаль берәмлекләр шурасы рәисе. Татарстан Республикасы Куркынычсызлык Шурасы әгъзасы.

Минсәгыйть Шакиров
Туган телдә исем	Минсәгыйть Закир улы Шакиров
Туган	1 июнь 1948(1948-06-01) ТАССР Чирмешән районы Лашман авылы
Үлгән	15 гыйнвар 2023(2023-01-15) (74 яшь) РФ, ТР, Казан
Милләт	татар
Ватандашлыгы	ССРБ ССРБ→ Россия Россия
Әлма-матер	Казан дәүләт аграр университеты
Һөнәре	җәмәгать эшлеклесе, депутат
Балалар
Бүләк һәм премияләре	«Дуслык» ордены (1999). Казанның 1000 еллыгы истәлегенә медале (2005).

Тәрҗемәи хәле

1948 елның 1 июнендә ТАССР Чирмешән районы Лашман авылында туган. Казан дәүләт авыл хуҗалыгы институтын (1976), Саратовта югары фирка мәктәбен (1983) тәмамлаган.

Хезмәт юлы

• 1966-1978 ТАССР Октябрь районы «Дуслык» газетасы әдәби хезмәткәре.
• 1968-1978 ТАССР Чирмешән районы машина-сугару станциясе өлкән белгече, баш инженеры, ТАССР су хуҗалыгы министрлыгы ПМК башлыгы.
• 1978-1981 КПССның Чирмешән район комитеты икенче сәркатибе.
• 1981-1983 Сарытау югары фирка мәктәбе тыңлаучысы.
• 1983 ТАССР Яңа Чишмә районын оештыру бюросы әгъзасы.
• 1983-1987 КПССның Яңа Чишмә район комитеты икенче сәркатибе.
• 1987-1988 ТАССР Чирмешән районы шурасы рәисе.
• 1988-1990 КПССның Чирмешән район комитеты беренче сәркатибе.
• 1990-2005 Татарстанның Чирмешән районы шурасы рәисе, хакимият башлыгы.
• 2000-2004 II чакырылыш Татарстан Дәүләт Шурасы депутаты.
• 2006-2010 Чирмешән муниципаль районы башлыгы.
• 2010 елдан Татарстан Республикасы муниципаль берәмлекләре шурасы рәисе.
• «Татарстанда җирле үзидарә» журналы редколлегиясе рәисе.

2023 елның 15 гыйнварында вафат. Туган ягы ― Чирмешән районы Лашман авылында җирләнә.

Бүләкләре, мактаулы исемнәре

• Татарстанның атказанган авыл хуҗалыгы хезмәткәре (1997).
• «Дуслык» ордены (1999).
• «Казанның меңьеллыгы хөрмәтенә» медале (2005).
• «Фидакәр хезмәт өчен» медале (2007).
• «Хөрмәт» ордены (2009).
• «Татарстан каршындагы хезмәтләре өчен» ордены (2010).

Сылтамалар

• «Рәсми Татарстан» сайты 2016 елның 25 декабрь көнендә архивланган.
• «Чикләрсез татарлар» сайты 2016 елның 4 март көнендә архивланган.
• Лашман мәктәбе сайты 2016 елның 4 март көнендә архивланган.