Кук утрауларында ислам
Кук утрауларында ислам (ингл. Islam in the Cook Islands, гарәп. الإسلام في جزر كوك) ― азчылык дине. Яңа Зеландия территориясе булган Кук утрауларында күпме мөселман яшәве төгәл билгеле түгел, чөнки ил халкын исәпкә алганда мөселманнар санын алу башкарылмый [1] . Бәяләүләр буенча, 17 459 кеше (2016 елга) булган утраулар халкының 0,06 % ы мөселман булып санала [2]. Кук утрауларында Ислам ― зур булмаган, әмма саны арта баручы дини азчылык [1].
| Кук утрауларында ислам | |
| Дәүләт | Яңа Зеландия патшалыгы[d] |
|---|---|
| Административ-территориаль берәмлек | Кук утраулары |
Исламның Кук утрауларында беренче тапкыр кайчан барлыкка килүе билгеле түгел. Ислам дине Малайзия яки Кытай сәүдәгәрләре белән килергә мөмкин, дип фаразлана. Беренче булып ислам динен кабул иткән хатын-кызларның берсе ― Татьяна Кауаи (Tatiana Kauai) [3].
Хөсәен Кеттани (Houssain Kettani) «Океаниянең мөселман халкы» (Muslim Population in Oceania) мәкаләсендә мөселманнар санын утраулар халкының гомуми саныннан якынча 0,10 % ы дип бәяли. Әлеге бәяләү халык санын алу мәгълүматларыннан чыгып ясалган: утрауларда христиан (протестант, католик, мормон) булмаган диннәрне тотучылар 616 кеше, ягъни 4,10 % чамасы дип санала [4].
Утрауларда ислам оешмасы һәм мәчетләр юк.
Моны да карагыз үзгәртү
Искәрмәләр үзгәртү
- ↑ 1,0 1,1 Ranumnya Islam di Cook Islands (Indonesian). August 13, 2017 тикшерелгән.
- ↑ Muslim population in Oceania: 1950–2020
- ↑ Crocombe, Ronald Gordon, ed (2007). Asia in the Pacific Islands: Replacing the West. IPS publications. pp. 374-375. . https://books.google.com/books?id=iDg9oAkwsXAC&pg=PA375. Retrieved 13 August 2017.
- ↑ Ranumnya Islam di Cook Islands. republika.co.id, 4.03.2013(индон.)