Qayum Nasıyri uramı
Qayum Nasıyri uramı - İske Tatar bistäseneñ üzäk uramı, 2013 yıldan cäyäw uramı. Böyek tatar mäğrifätçese Qayum Nasıyri istälegenä 1930 yılda atalğan.
Qayum Nasıyri uramında Qazannıñ iske Cämiğ mäçetläre - Apanay mäçete häm Märcani mäçete urnaşalar.
Uram başında klasitsizm stilendä 1853 yılda tözelgän Qazaqovlar yortı urnaşa. Yortnıñ elekke xucaları - mäşhür tatar säwdägärläre häm cämäğät eşlekleläre. Möxämmätcan Qazaqov Farsı İle häm Qavqaz belän säwdä eşläre belän şöğellängän.
Anıñ warise - Möxämmätşäkir Qazaqov tabış yortların tözeleşe belän şöğellängän bulğan.
Qazaqovlar säwdä yortı xäyriä eşlärenä küp aqça sarıf itkän. Qazaqovlar yortı xäzer torğızılğan.
Quşayıv yortı Qayum Nasıyri uramında 1862 yılda tözelgän. Mortaza Quşayıv - tatar säwdägäre, Ğäbderaxman Quşayıv - Qazan Dumasınıñ süzçese, Märcani mäçeteneñ qarap başlığı.
Qayum Nasıyri yortı - uram başında urnaşa, biredä böyek tatar näğrifätçese, yazuçısı yäşägän. Xäzer yort torğızılğan, biredä Nasıyri muzeye urnaşa.
Nasıyri yortı yanında Şiğäbeddin Märcäni yäşägän yort urnaşa. Yırağraq säwdägärlär yortları - Borhanetdin Mullin, Yunısovlar, İsänbayıvlar yortları urnaşa.
Qayum Nasıyri töp binaları - Märcani häm Apanay mäçetläre.
Qayum Nasıyri uramına iñ qısqa cäyäw uramı - Künçe uramı bara.
Uram oçında Cihanşa Ğosmanov yortı urnaşa. Säwdägär Cihanşa Ğosmanov - arbanı tözü eşxanäse iäse bulğan, küp aqça Soltan mäçete tözeleşenä birgän. Usmanov yortı 1853 yılda, Peske proyektı buyınça tözelgän.
Qayum Nasıyri uramı häm Safyan uramı kiseşendä säwdägärlär Apanayıvlar yortı urnaşa. 2013 yılda torğızılğan.
Cäyge Universiada-2013 uyınnarına hämmä iske yortları torğızılğan. Qayum Nasıyri uramı cäyäw uramına äylänä.
Ädäbiät үзгәртү
- Амиров К.Ф. Казань: где эта улица, где этот дом? Справочник улиц города Казани. Казань, 1995.
- Казань в памятниках истории и культуры. Казань, 1982.
- Республика Татарстан: Памятники истории и культуры. Каталог-справочник. Казань, 1993.