Исхак Янбәков

Янбәков Исхак Шәйхетдин(башка чыганакта Шәйхислам) улы (1907 ел — 6 июль 1942 ел) — Совет-фин, Бөек Ватан сугышларында катнашучы. 112-нче Башкорт кавалерия дивизиясенең 275-нче кавалерия полкы артиллерия батареясы командиры. Политрук.

Исхак Янбәков
Туган	1907 Чыңгыз, Ыр өязе, Ырынбур губернасы, Россия империясе
Үлгән	6 июль 1942(1942-07-06) Курск өлкәсе, РСФСР, СССР яки Тербунский район[d], Липецк өлкәсе
Ватандашлыгы	Россия империясе РСФСР  СССР
Әлма-матер	Башкорт дәүләт университеты һәм Бәләбәй татар педагогика укуханәсе
Һөнәре	укытучы
Катнашкан сугышлар/алышлар	Совет-фин сугышы һәм Алман-совет сугышы
Хәрби дәрәҗә	кәмисәр[d]

Биографиясе

Исхак Шәйхетдин улы Янбәков 1907 елда Башкортстанның Баймак районы Чыңгыз авылында ярлы гаиләдә туган. Бәләбәй татар-башкорт педагогия техникумын (1930), Уфада К. А. Тимирязев исемендәге Башкорт дәүләт педагогия институтын (1935) тәмамлый.

Баймак мәгариф системасына зур өлеш керткән шәхес: 1930 елдан — Баймак башлангыч терәк, Бәхтегәрәй башлангыч мәктәпләре мөдире, 1932 елдан — Татлыбай коммунистик яшьләре мәктәбе, 1935 елдан — Иске Сибай, 1940 елдан 1-нче Эткол крестьян яшьләре мәктәпләрендә укытучы һәм директор булып эшли.

1939-1940 елларда совет-фин сугышында катнаша.

Борки авылындагы Туганлык каберлеге

Бөек Ватан сугышы башлангач, БАССР-ның Баймак районы хәрби комиссариаты тарафыннан Кызыл Армиягә алына. Ссугышка, хатыны Хәернисаны һәм балаларын калдырып, 1-нче Эткол авылыннан китә. 112-нче Башкорт кавалерия дивизиясендә 275-нче кавалерия полкы артиллерия батареясы командиры, аннары сәяси мәсьәләләр буенча комиссар урынбасары — политрук була. Гаиләсенә соңгы хатын 1942 елның 3 июлендә яза, 6 июльдә Курск өлкәсе (хәзер Липецк өлкәсе) Тербун районындагы каты сугышларның берсендә батырларча һәлак була. Шушы ук районның Борки авылында җирләнә.

Сугышчы һәм курайчы Исхак Янбәковның исеме 112-нче Башкорт дивизиясе комиссары С. Р. Әлибаевның «Көндәлек битләреннән» китабында берничә тапкыр телгә алына.

Әдәбият

• С. Р. Әлибаев. Көндәлек битләреннән. (Комиссар язмалары)

Видеоязмалар

1. YouTube сайтында Видео «УТЛЫ ЕЛЛАР АВАЗЫ». Стәрлетамак драма театры артисы Әлфинур Газимова уҡый.

Сылтамалар

• • [1]Список погибших
  • ЯНБЕКОВ Исхак Шайхетдинович. Шаймуратовцы

(рус.)(Тикшерелгән 7 июль 2021)