Зәки Тимерҗанов
Зәки Тимерҗан улы Тимерҗанов (1926 елның 20 гыйнвары, Акбаш, Баулы вулысы, Бөгелмә кантуны, Татарстан АССР, РСФСР, СССР — 2013 елның 31 марты, Норлат, Татарстан, Россия) — «Татнефть» бораулаучысы, Социалистик Хезмәт Каһарманы (1971).
| Зәки Тимерҗанов | |
|---|---|
 | |
| Туган телдә исем | Зәки Тимерҗанов |
| Туган | 20 гыйнвар 1926 Акбаш, Баулы вулысы, Бөгелмә кантуны, Татарстан АССР, РСФСР, СССР |
| Үлгән | 31 март 2013 (87 яшь) Норлат, Татарстан, Россия |
| Ватандашлыгы |  СССР Россия |
Биография
үзгәртүЗәки Тимерҗанов 1926 елның 20 гыйнварында Татарстан АССРның Бөгелмә кантоны (хәзер Татарстанның Ютазы районы) Акбаш авылында крестьян гаиләсендә туа. 1944—1948 елларда Суслонгер (Мари АССР) хәрби җирлегендә хезмәт итә, анда урман кисү белән шөгыльләнә. Хезмәт шартлары авыр булу сәбәпле, гомуми авыру буенча 3 нче төркем инвалидлык ала.
Демобилизацияләнеп, Зәкый Тимерҗанов авыл хезмәтенә әйләнеп кайта. Шул ук елны милициягә эшкә урнашу омтылышы инвалидлык аркасында уңышсыз булып чыга. Шуннан соң Кырымсарай нефть разведкасына эшкә керә. 1954 елдан «Татнефть» берләшмәсенең Нурлат разведка бораулау идарәсе бораулаучысы булып эшли. Ромашкино, Яңа Елхово, Чирмешән, Нурлат һәм башка ятмаларны ачуда катнаша. Йөзләгән скважина бораулап, җитештерү биремнәрен 120 % һәм аннан да күбрәк башкарган. Аңа ике тапкыр авария хәлендәге скважиналарны ябарга туры килә: Мөслим янында — анда су 149 метр тирәнлектән чыккан була һәм Демкинода — анда бозлы су фонтаны 700 метрлы тирәнлектән чыккан була[1].
Бригада эчендәге вахталар арасында Социалистик ярышның инициаторы була. VIII бишьеллык барышында аеруча зур уңышларга ирешә: аның вахтасы үзенә ышанып тапшырылган кыйммәтле җиһазларның бер генә авариясенә дә юл куймый.
ССРБ Югары Советы Президиумының 1971 елның 30 мартындагы Указы белән «Татнефтеразведка» трестының 1 нче бораулау конторасын бораулаучы Зәки Тимерҗан улы Тимерҗановка Фидакарь хезмәте өчен Ленин ордены һәм «Урак һәм Чүкеч» медале белән Социалистик Хезмәт Каһарманы исеме бирелә.
Аннан соң Тимерҗановка 15-16 мең метр тирәнлектәге югары тирәнлектәге бораулауда катнашырга туры килә. Ике тапкыр Норлат шәһәр Советы депутаты итеп сайланган. 1990 елларда ялга китә. Нурлат шәһәрендә яшәгән. 2013 елның 31 мартында вафат була[2].
Гаилә
үзгәртүӨйләнгән, өч баласы бар, шуларның берсе — Ренат Тимерҗанов (1955) — полиция генерал-майоры, Татарстан Республикасы буенча баш федераль инспекторы[3]. Оныкларының берсе — Тимур Тимерҗанов (Ренат Тимерҗановның улы) — ралли-кросс буенча өч тапкыр Аурупа чемпионы[4].
Бүләкләр
үзгәртү- «Урак һәм Чүкеч» медале (1971);
- Ленин ордены (1971);
- «Хөрмәт Билгесе» ордены (1966);
- Татарстан Республикасының «Хезмәт батырлыгы өчен» медале (2006)[5].
Искәрмәләр
үзгәртү- ↑ Как Заки Тимерзянов нефтяником стал
- ↑ Скончался Герой Социалистического Труда Заки Тимерзянов // tatar-inform.ru
- ↑ Профиль Тимерзянова Рената Закиевича на официальном сайте полномочного представителя Президента Российской Федерации в Приволжском федеральном округе, archived from the original on 2017-03-20, retrieved 2021-03-21
- ↑ Тимур Тимерзянов // autotest.pro
- ↑ Герой Труда Заки Тимерзянов награждён медалью «За трудовую доблесть», archived from the original on 2016-03-04, retrieved 2021-03-21
Сылтамалар
үзгәртү- «Илнең каһарманнары» сәхифәсендә Зәки Тимерҗанов
