Дмитрий Сәлимов

Дмитрий Сәлимов
Дмитрий Сәлимов
Туган телдә исем	Дмитрий Шамил улы Сәлимов
Туган	1981; Волгоград
Милләт	татар
Ватандашлыгы	ССРБ→; Россия
Әлма-матер	Саратовский военно-медицинский институт[d]
Һөнәре	табиб (хирург)
Ата-ана	Шамил, РФ атказанган табибы (әти); РФ атказанган табибы (әни);
Гыйльми дәрәҗә:	медицина фәннәре кандидаты[d]

Дмитрий Сәлимов (Дмитрий Шамил улы Сәлимов) — югары категорияле табиб, медицина фәннәре кандидаты (2008), Волгоград хәрби госпиталенең әйдәүче белгече, планлы хирургия бүлеге башлыгы, медицина хезмәте майоры, Волгоград дәүләт медицина университетының гомуми хирургия кафедрасы укытучысы.

Бу терминның башка аңлатмалары да бар, аларны карау өчен Сәлимов битенә күчегез.

Тәрҗемәи хәле

1981 елда Волгоградта нәселдән килгән табиблар гаиләсендә туган. Әтисе – Шамил Гомәр улы Сәлимов - РФ атказанган табибы, медицина хезмәте полковнигы (хәзер отставкадагы), Волгоград өлкә клиник хосписын оештыручы һәм хосписның баш табибы. Әнисе – табиб, РФ атказанган табибы. Ике ир туганы (абыйсы Игорь, энесе Алексей) шулай ук табиблар. Сарытау хәрби-медицина институтын тәмамлаган (2003). Волгоград дәүләт медицина университетында «Хәрби хезмәткәрләрнең яудан тыш җәрәхәтләренең ярасы төзәлү үзенчәлекләре (клиник-тәҗрибә тикшеренүе)» темасына медицина фәннәре кандидатлыгына диссертация (җитәкчесе проф. А.А. Воробьев) яклаган (2008)^[1]. Шалида (Чечня) хәрби хезмәтен үти, 106- медицина батальоны медицина ротасының операция-бәйләү бүлекчәсе өлкән ординаторы була, өлкән лейтенант званиесе ала.

Хезмәт юлы

Сарытау хәрби-медицина институтының III курсында укыганда ук, үзенең язмышын Волгоград хәрби госпитале белән бәйли. Өлкән остазларыннан өйрәнеп, тәҗрибә туплый. Яңа технологияләр өйрәнә. Чечняда хәрби-кыр госпитале шартларында үткәрелгән операцияләр зур тәҗрибә чыганагы булалар^[2] . Армиядән туп-туры Волгоград хәрби госпиталенә кайта. Эндовидеохирургия техникасын һәм мини-технологияләр кулланып, яңа буын операцияләр (кеше тәнендә зур яра ясамыйча гына ясауны) үзләштерә. Гади табибтан хирургия клиникасының бүлек мөдире вазифасына күтәрелә, югары категорияле табиб була. Аның янына, Волград клиникасына Идел буе шәһәрләреннән һәм якын чит илләрдән (Украина, Беларус, Казакъстан) пациентлар килә. Д.Ш. Сәлимов Волгоград дәүләт медицина университетының гомуми хирургия кафедрасында да укыта^[3].

Бүләкләре, мактаулы исемнәре

Чыганаклар

Йөрәк кушуы буенча хирург. «АИФ-Нижнее Поволжье» газетасы. 2011 ел, № 30. (рус.)

Сылтамалар

Д. Сәлимов «Чиксез татарлар» сайтында 2016 елның 4 март көнендә архивланган.

Искәрмәләр

[1] Диссертациясе турында тулырак мәгълүмат

[2] Гадәти булмаган операцияләр(үле сылтама)

[3] Волгоград медицина университеты сайтында

[1]

[2]

[3]