Гордана Силяновска-Давкова
Гордана Силяновска-Давкова (мак. Гордана Силјановска-Давкова; 1953 елның 11 мае, Югославия СФР, Македония СР, Охрид) ― 2024 елның 12 маеннан 
Төньяк Македония президенты. Ил парламенты әгъзасы (2020―2024), Македония Республикасы хөкүмәтендә портфеле булмаган министр (1992―1994).
| Гордана Силяновска-Давкова | |
|---|---|
.jpg) | |
| Төньяк Македония президенты | |
| Вазыйфага керешкән 2024 елның 12 мае | |
| Аңа кадәр | Стево Пендаровски |
| Шәхси мәгълүмат | |
| Туган | 11 май 1953 (71 яшь) Югославия СФР, Македония СР, Охрид |
| Сәяси фирка | ВМРО-ДПМНЕ |
| Белем | Өскеп университеты Любляна университеты |
Тәрҗемәи хәле
үзгәртү1953 елның 11 маенда Охрид шәһәрендә туган. 1973 елда урта мәктәпне, 1978 елда Өскеп университетының юридик факультетын тәмамлый, шунда хокук магистры дәрәҗәсен ала. 1993 елда Любляна университетында[d] cum laude (почетлы) хокук докторы дәрәҗәсен ала[1], комиссияне профессор Франц Град җитәкли. Докторлык диссертациясе темасы: «Җирле үзидарә — нормалар һәм чынбарлык арасында» (1994).
1989 елдан Өскеп университетының[d] юридик факультетында «Сәяси системалар» дисциплинасында ассистент һәм укытучы булып эшли. 1994 елда конституцион хокук һәм сәяси системалар доценты итеп билгеләнә, 2004 елдан ― профессор. 1990―1992 елларда Македония Республикасы Җыелышының (ил парламенты) Конституция комиссиясе әгъзасы, 1992―1994 елларда Бранко Црвенковскийның беренче хөкүмәтендә портфеле булмаган министр. БМО сайлаулары буенча эксперт, Европа Советы каршындагы җирле үзидарә буенча бәйсез экспертлар төркеме рәисе урынбасары. 2008―2016 елларда Венеция комиссиясе[d] әгъзасы, конституцион хокук һәм сәяси системалар буенча күп кенә фәнни хезмәтләр авторы[2]. 2017―2018 елларда республикада албан телен куллануны киңәйтү турындагы законга һәм Преспан килешүенә каршы җәмәгать эшлеклесе буларак чыгыш ясый.
2019 елның 16 февралендә ВМРО-ДМПНЕ партиясе тарафыннан Төньяк Македония Президентлыгына кандидат буларак тәкъдим ителә[3][4]. Үзенең тәкъдим ителүеннән соң, җиңгән очракта кабат референдум башларга һәм илгә элеккеге исемен кайтарырга вәгъдә итә. Әмма сайлауларның икенче турында Стево Пендаровскига җиңелә (51,66 : 44,73)[5].
2024 елда кабат Президентлыкка кандидат буларак тәкъдим ителә. Бу юлы сайлауларның[d] икенче турында гамәлдәге Президент Стево Пендаровскины зур аерма белән җиңә (69,01 : 30,99)[6] һәм Төньяк Македония Президенты итеп сайланган беренче хатын-кыз була.
Искәрмәләр
үзгәртү- ↑ Македонска енциклопедија, том II. Скопје, Македонска академија на науките и уметностите, 2009. ISBN 978-608-203-024-1. с. 1358.
- ↑ Автобиография на сайте Скопьевского университета.
- ↑ Натпартиски кандидат или реприза на Иванов: Досие Гордана Силјановска Давкова, Фактор, 19.02.2019 2019 елның 10 апрель көнендә архивланган.(мак.)
- ↑ ВМРО-ДПМНЕ ќе ја кандидира Силјановска-Давкова на претседателските избори, [[Нова Македонија]], 16.02.2019.
- ↑ Македония ДСК 2019 елның 21 апрель көнендә архивланган.
- ↑ ГИК Северной Македонии(үле сылтама)