Габбас Гыйниятуллин
Габбас Гыйниятулла улы Гыйниятуллин (1905 елның 15 мае, Кызыл Ялан, Чистай өязе, Казан губернасы, Россия империясе — 1968 елның 13 апреле, Кызыл Ялан, Чистай районы, Татарстан АССР, РСФСР, ССРБ) — Бөек Ватан сугышында катнашучы, Советлар Берлеге каһарманы (1943).
| Габбас Гыйниятуллин | |
|---|---|
 | |
| Туган | 15 май 1905 Чистай өязе, Казан губернасы, Россия империясе |
| Үлгән | 13 апрель 1968 (62 яшь) Яңа Чишмә районы, Татарстан АССР, РСФСР, СССР |
| Катнашкан сугышлар/алышлар | Алман-совет сугышы |
| Бүләк һәм премияләре |  (1943)  |
| Хәрби дәрәҗә | сержант[d] |
Тормыш юлы
үзгәртүГаббас Гыйниятуллин 1905 елның 15 маенда Казан губернасы Чистай өязенең Кызыл Ялан авылында (хәзер Татарстанның Яңа Чишмә районы) крестьян гаиләсендә туа. Татар. 4 сыйныф тәмамлый. Колхозда эшли. Эшче-крестьян Кызыл Гаскәрендә 1927—1929 елларда һәм 1941 елдан бирле хезмәт итә[1].
Воронеж фронтының 3 нче гвардия танк армиясенең 9 нчы механикалаштырылган корпусның 69 нчы механикалаштырылган бригадасының танкка каршы мылтыклары бүлеге командиры, сержант Габбас Гыйниятуллин 1943 елның 22 сентябренә каршы төндә беренчеләрдән булып Зарубинца авылы тирәсендә Днепр аша күчә. Аның бүлекчәсе Григоровка авылы өчен көрәштә катнаша, дошманның һөҗүмнәрен чагылдыра, 2 танкны һәм берничә дошманны юк итә. Днепр өчен барган сугышларда авыр яралана.
ССРБ Югары Шурасы Президиумының 1943 елның 17 ноябрендәге Указы белән Габбас Гыйниятуллинга Ленин ордены һәм «Алтын Йолдыз» медале белән Советлар Берлеге каһарманы исеме бирелә[2].
Госпитальдә озак дәваланганнан соң туган авылына әйләнеп кайта. 1968 елның 13 апрелендә вафат була.
Бүләкләр
үзгәртү- 1943 — «Алтын Йолдыз» медале[3];
- 1943 — Ленин ордены;
- 1943 — Кызыл Йолдыз ордены[4];
- 1942 — Батырлык өчен медале[5]
Искәрмәләр
үзгәртүСылтамалар
үзгәртү- «Илнең каһарманнары» сәхифәсендә Габбас Гыйниятуллин
