Вильно операциясе яисә Свенцяны һөҗүме — Беренче бөтендөнья сугышының Көнчыгыш фронтында 10-нче алман гаскәренең 10-нче рус гаскәренә каршы гамәлгә ашырган операция.
1915 елның 9 сентябрьдә Вилкомир тирәсендә алман гаскәрләре рус фронтын өзделәр. Хасил булган тишеккә алман сәргаскәрлеге алман атлы дивизияне (13 сентябрьдә тагын ике дивизия белән көчәйткән) җибәрде. Соңрак артиллерия һәм җәяүлеләр ярдәменнән мәхрүм калган алман атлы гаскәренең басымы зәгыйфьләнә төшкән һәм 15-16 сентябрь көнендә 2-нче рус гаскәре тарафыннан һөҗүм тәмам туктатылган. Фронт сызыгы Дрисвяты күле — Нарочь күле — Сморгонь — Пинск — Дубно — Тернополь сызыгында тотрыкланды.
