Wikipedia

Артем Здунов

Артем Здунов, Артем Алексей улы Здунов (эрз. Артем Алексеевич Здунов, 1978 елның 18 мае, Казан) — икътисадчы, РФ дәүләт эшлеклесе, 2020 елның 18 ноябреннән Мордовия байрагы Мордовия Башлыгы вазифаларын вакытлы башкаручы[1], 2014—2018 елларда Татарстан икътисад министры, 2018—2020 елларда Дагстан премьер-министры. Икътисад фәннәре кандидаты (2005). Бердәм Россия фиркасе әгъзасы[2].

Артем Здунов
Мордовия байрагы Мордовия Башлыгы в.в.б.
Вазыйфага керешкән
2020 елның 18 ноябре
Аңа кадәр Владимир Волков
Дагстан байрагы Дагстан премьер-министры
Вазыйфада
2018 ел – 2020 ел
Аңа кадәр Абдусамад Гамидов
Анатолий Карибов (в.б.)
Дәвамчысы Абдуллатах Амирханов
Татарстан байрагы Татарстан икътисад министры
Вазыйфада
2014 ел – 2018 ел
Аңа кадәр Мидхәт Шаһиәхмәтов
Дәвамчысы Фәрит Габделганиев
Туган 18 май 1978(1978-05-18) (46 яшь)
РСФСР, ТАССР, Казан
Белем 5 нче лицей һәм Казан дәүләт финанс һәм икътисад институты

Тәрҗемәи хәле

үзгәртү

1978 елның 18 маенда Казанда туган. Мордва[3]. Казанның 5нче лицеен[4], «Финанслар һәм кредит» белгечлеге буенча Казан дәүләт финанс-икътисад институтын (2000), КФЭИ аспирантурасын (2004), РФ президенты каршындагы Россия халык хуҗалыгы һәм дәүләт хезмәте академиясе магистратурасын (2011) тәмамлаган. Инглиз телен камил белә. Казан дәүләт финанс-икътисад институтында «Хәзерге заманда Россиянең икътисади иминлеге системасында капиталның читкә китүе» (рус. Отток капитала в системе экономической безопасности современной России) темасына икътисад фәннәре кандидатлыгына диссертация яклаган (2005).

Хезмәт юлы

үзгәртү

1996-1998 елда КФЭИ студентларының һөнәри берлеге комитеты рәисе урынбасары.

2000-2001 елларда «Сәнәгати иминиятләштерү компаниясе» ААИҖ иминиятләштерү буена белгече, эчке аудиторы.

2004-2006 елларда Казан финанс-икътисад институтының (2011 елдан КФУ составында) макроикътисад һәм икътисади теория кафедрасы укытучысы.

2006-2010 елларда «Татарстан Фәннәр академиясенең перспективалы икътисади тикшеренүләр үзәге» дәүләт учреждениесенең фән буенча директор урынбасары.

2010-2014 елларда Татарстан Республикасы икътисад министры урынбасары.

2014 елның октябреннән 2018 елның февраленә кадәр Татарстан икътисад министры.

2018 елның 7 февраленнән 2020 елның 18 ноябренә кадәр Дагстан премьер-министры. Дагстан Башлыгы в.в.б. Владимир Васильев 2018 елның 6 февралендә Артем Здунов кандидатурасын республика хөкүмәте җитәкчесе сыйфатында республика парламенты (Халык Җыены) каравына кертә. 7 февральдә Дагстан парламенты кандидатураны раслый (75 депутатның 68 е уңай,5 е каршы тавыш бирә, 2 е нейтраль)[5].

2020 елның 18 ноябреннән Мордовия Башлыгы вазифаларын башкаручы[6].

Бүләкләре, мактаулы исемнәре

үзгәртү
  • 2009 ТР ФА «2009 елның иң яхшы галиме» бәйгесе җиңүчесе.
  • РФ башкарма хакимиятенең федераль һәм төбәк органнарының ведомство бүләкләре.

Гаиләсе

үзгәртү

Өйләнгән, улы һәм кызы бар.

Керем һәм милек

үзгәртү

2015 елда биргән декларациясе буенча кереме 6 млн 200 мең сум, 2016 елда 8 млн 539 мең сум (хатыныныныкы 538 мең сум).
Шәхси милкендә ике җир кишәрлеге — 1197 кв. метр һәм 2668 кв. метр.
Күчемсез милке: йорт 162,9 кв.м., 65,4 кв. метрлы фатирның 1/3 өлеше, 148,1 кв. м. фатирның чирек өлеше (калган өлешләренә хатыны һәм балигъ булмаган ике баласы ия), ике машина кую урыны[7].

Сылтамалар

үзгәртү

Искәрмәләр

үзгәртү
  1. ↑ Путин назвал Татарстан кузницей кадров. 2021 елның 27 март көнендә архивланган. news.mail.ru, 27.03.2021(рус.)
  2. ↑ Бердәм Россия фиркасенең төбәк бүлекчәсе сайты(үле сылтама)
  3. ↑ Настоящий мордвин Артем Здунов еще не знает своего счастья. Бизнес Online, 16.11.2016
  4. ↑ Артем Здунов. «Классташлар»дагы сәхифәсе
  5. ↑ Дагестанский парламент проголосовал за нового главу правительства. «Новые известия», 07.02.2018
  6. ↑ Путин назначил Здунова врио главы Мордовии. Известия, 18.11.2020
  7. ↑ В кабмине Татарстана в 2016 году больше всех заработал Артем Здунов. inkazan.ru, 07.02.2018
Чыганак — https://tt.wikipedia.org/w/index.php?title=Артем_Здунов&oldid=4079175