Асылъяр

Асылъяр, чын исеме Алсу Рөстәм кызы Зәйнетдинова (1986 елның 14 июлендә Татарстанның Лаеш районы Имәнкискә авылында туган) — татар җырчысы, актриса, педагогика фәннәре кандидаты.

Алсу Зәйнетдинова
Тулы исеме	Алсу Рөстәм кызы Зәйнетдинова
Туу көне	14 июль 1986(1986-07-14) (38 яшь)
Туу урыны	Лаеш районы, Татарстан
Эшчәнлек еллары	—
Һөнәрләр	җырчы
Псевдонимнар	Асылъяр

Биография

Алсу Рөстәм кызы Зәйнетдинова 1986 елның 14 июлендә Татарстанның Лаеш районында туа. Бала чагыннан ук зур теләк белән авыл клубында чыгышлар ясый, «Сандугач керде куңелгә» һәм «Татарстан яшьләре» ярышларында катнашып, призлы урыннар ала.

2003 елда Асылъяр Казан дәүләт мәдәният һәм сәнгать университеты укырга керә. Ул Татарстанның атказанган артисткасы Люция Хәсәнова төркеменә эләгә. Уку вакытында Асылъяр күпсанлы җырларын яздыра, ТНВ телекомпаниясе белән эшли.

2005 елда Асылъяр Илһам Шакиров исемендәге премиягә лаек була. Шулай ук 2005 елда ул «Карлыгачлар» җырын яздыра, җырга клип төшерә, «Карлыгачлар» исемле әлбүм чыгара.

2005 елның декабрендә Асылъяр беренче концертын оештыра. «Татар җыры» бәйгесендә катнашып, «Алтын барс» белән бүләкләнә. 2006 елда Асылъяр «Яланаяклы кыз» сериалында Дилбәр ролен уйный.

2008 елда Алсу Евровидение 2008 җыр бәйгесенең Россия сайлап алу турына «Карлыгачлар» җыры белән эләгә, ләкин бәйгегә уза алмый.

Сылтамалар

• «Күрше» сайты
• «Вконтакте» сайтында Асылъяр төркеме