Алмаз Хисаметдинов

Алмаз Габдерәүф улы Хисаметдинов (рус. Алмаз Хисамутдинов яки рус. Хисамутдинов Алмаз Гаптраупович, 1978 елның 21 декабре, Алан, Балтач районы, Татарстан АССР, РСФСР, СССР) — дәүләт эшлеклесе, Мамадыш районы башлыгы урынбасары (2013), Татарстан Республикасы Министрлар Кабинетының баш ветеринария идарәсе башлыгы (2014 елдан). Биология фәннәре кандидаты.

Алмаз Хисаметдинов
Туган	21 декабрь 1978(1978-12-21) (45 яшь) Алан, Балтач районы, Татарстан АССР, РСФСР, СССР
Әлма-матер	Казан дәүләт ветеринария медицинасы академиясе

Биография

Алмаз Хисаметдинов 1978 елның 21 декабрендә Татарстанның Балтач районындагы Алан авылында туа. 1996 елдан 1997 елга кадәр Балтач районының «Алан» совхозында эшли. 2002 елда «Ветеринария, ветеринария табибы» белгечлеге буенча Н.Э.Бауман исемендәге Казан дәүләт ветеринария медицинасы академиясен тәмамлый.

2002 — 2008 елларда Балтач районының «Игенче» авыл хуҗалыгында баш ветеринар табиб. 2008 елдан «"Тәкәнеш" агрофирмасы» ҖЧҖ генераль директоры. 2012 елдан — 2013 елга кадәр «ВАМИН-Татарстан» ачык акционерлык җәмгыятендә генералҗ директор урынбасары — идарә җитәкчесе.

2013 елның апреленнән октябрь аена кадәр Мамадыш муниципаль районы башлыгы ярдәмчесе; Мамадыш муниципаль районы башлыгы урынбасары, Татарстан Мамадыш муниципаль районы Советы Рәисе урынбасары. 2013 елдан Татарстан Республикасы Министрлар Кабинетының Баш ветеринария идарәсе җитәкчесе вазыйфаларын башкаручы.

2014 елның 9 гыйнварында Татарстан Республикасы Президенты № УП-5 нче Указы нигезендә Татарстан Республикасы Министрлар Кабинетында Баш ветеринария идарәсе начальнигы итеп билгеләнә.

2018 елның 12 декабрендә Алмаз Хисаметдиновка «Татарстан Республикасының атказанган ветеринария табибы» дигән бүләк тапшырыла.

Сылтамалар

• Алмаз Габдерәүф улы Хисаметдинов