Азат Фазлыйәхмәтов
Фазлыйәхмәтов Азат Мидхәт улы (23 февраль 1967 ел) — шагыйрь, радиожурналист, «Юлдаш» радиосының өлкән мөхәррире, проектлар авторы һәм алып баручысы. 2013 елдан Россия Федерациясенең һәм Башкортстан Республикасының Журналистар союзлары әгъзасы. Башкортстанның атказанган матбугат һәм массакүләм мәгълүмат хезмәткәре (2015).[1]
| Азат Фазлыйәхмәтов | |
|---|---|
| Туган | 23 февраль 1967 (57 яшь) Чуенчы, Дәүләкән районы, БАССР, РСФСР, СССР |
| Ватандашлыгы |  СССР Россия |
| Әлма-матер | Башкорт дәүләт университеты |
| Һөнәре | радиожурналист, мөхәррир, шагыйрь |
Биографиясе үзгәртү
Азат Мидхәт улы Фазлыйәхмәтов 1967 елның 23 февралендә Башкорт АССР-ының Дәүләкән районы Чуенчы авылында туган. Җирле урта мәктәпнең сигез классын тәмамлый һәм 1982-1986 елларда Благовещен педагогия училищесында укый.
Мөстәкыйль хезмәт эшчәнлеген 1986 елның сентябрендә Дәүләкән районының Бик-Карамалы сигезьеллык мәктәбендә татар теле һәм татар әдәбияты укытучысы булып башлый.
Шул ук елның көзендә Совет Армиясе сафына чакырыла, хәрби хезмәтен 1986-1988 елларда Хәрби Диңгез флотының Кронштадт һәм Новороссийск калаларындагы частьларында үтә.
1988 елда запаска кайтарыла һәм 1994 елга кадәр Чуенчы урта мәктәбендә башлангыч сыйныфларны һәм тарих фәнен укыта.
1994-1997 елларда Уфа шәһәре Орджоникидзе район эчке эшләр идарәсендә эксперт-криминалист булып эшли.
1997 елда читтән торып Башкорт дәүләт университетының тарих факультетын тәмамлый.
Республика күләмендә игълан ителгән иҗади конкурсны уңышлы үткәннән соң 1998 елның 5 гыйнварында Азат Фазлыйәхмәтов «Башкортстан» дәүләт телерадиокомпаниясенә алып баручы итеп эшкә кабул ителә.
2001 елдан «Юлдаш» мәгълүмат һәм җыр-моң каналының өлкән мөхәррире булып эшли[2].
Көндәлек эшендәге (?) югары казанышлары өчен 2015 елда «Башкортстан Республикасының атказанган матбугат һәм массакүләм мәгълүмат хезмәткәре» дигән мактаулы исемгә лаек була.
Искәрмәләр үзгәртү
- ↑ СПИСОК награжденных государственными наградами Республики Башкортостан. 39. Фазлиахметов Азат Мидхатович - старший редактор отдела ведущих программ информационно-музыкального канала «Юлдаш» студии радиовещания ГУП ТРК «Башкортостан» 2021 елның 27 ноябрь көнендә архивланган.(рус.)(Тикшерелгән 8 апрель 2021)
- ↑ Беҙҙең команда. «Юлдаш» радиоһы, рәсми сайт 2018 елның 25 сентябрь көнендә архивланган.(Тикшерелгән 25 сентябрь 2018)
