Абдул (Куергазы районы)

Абдул — Башкортстанның Куергазы районында, Кече Куергазы елгасы буенда урнашкан татар авылы. Авыл җирләре Ырынбур өлкәсенә терәлә. Якшембәт авыл советына карый. урта мәктәп эшли.

Абдул

Халык саны	408 (2010), 398 (2002, Җанисәп), 448 (2009, Җанисәп)
География
Ил	Россия
Координатлар	52°37'42.24"тн, 55°28'26.04"кнч
Почта индексы	453352

Тарихи мәгълүмат

Абдул авылы бик борынгы бай тарихлы авыл. Авылның олы яшьтәге кешеләре хәтерләвенчә ул 1840 елда барлыкка килә башлаган. Тәү башлап авылны"Баба-Әкә" исеме белән йөрткәннәр, чөнки елга буена беренче булып бер казах гаиләсе килеп утырган. Казахча бабай сүзе әкә булганга күрә татарлар ике телне (казах, татар) бергә кушып Баба-Әкә дип йөрткәннәр. Шул ук исем белән авылны да инешне дә атап йөрткәннәр. Авыл бу исем белән озак йөртелмәгән, чөнки Федоровка районыннан Абдулла исемле гаилә башлыгы белән ишле гаилә килеп утыргач авыл Абдулла исемен йөртә башлаган. Тәүдә авылда 5-6 гаилә генә яшәгән, шуннан авыл җайлап үсә башлаган. Барлык мөселман авылларындагы кебек безнең авылга да мәчет салганнар. Мәчетне Ырымбур шәһәрендә яшәгән Әхмәт (Әхмәт Хөсәенов?) салдырган. Мәчетнең башында ае, манарасы, азан әйтергә менәр өчен эченнән озын баскычы куелган булган. Мәчет янында агачтан салынган мәдрәсә булган. Мәдрәсәдә Шәмсетдин мулла укыткан. Ул Каргалы авылында муллалар әзерли торган мәдрәсәдә укып кайткан, безнең тирәдәге муллалар арасында белем буенча икенче урында йөргән. Беренче мулла Якшембәттән Азнабаев Гариф булган. Революциядән соң авылдагы мәчет бетерелгән, манарасы аударылган һәм мәчет бинасын клубка әйләндергәннәр. Әлеге вакытка кадәр мәчет бинасы авылыбызда клуб хезмәтен үти. Авылдагы өйләрнең күбесе салам башлы булган тик унлап өй генә такта, тимер түбәле булган.

Демография

Халык саны динамикасы:

2002	2009	2010
398	448	408

2010 ел җанисәбен алу буенча биредә 408 кешенең яшәве мәгълүм.

Сылтамалар

• Башкортостан Республикасының муниципаль берәмлекләр советы.