«Өмет» (Уфа)
«Өмет» — Башкортстанда яшьләр өчен татар телендә нәшер ителүче гәзит. Сишәмбе, шимбә көннәрендә чыгарыла.
| Өмет | |
 | |
| Формат |
иҗтимагый-сәяси |
|---|---|
|
| |
| Гамәлгә куючы |
Өмет гәзите редакциясе БР Дәүләт унитар предприятиесе, БР Элемтә һәм киңкүләм коммуникацияләр министрлыгы |
| Баш мөхәрир | |
| Нигезләнгән |
1991 |
| Тел | |
| Төп офис |
450005, Башкортстан, Уфа, Революционная урамы, 167/1 йорт |
| Тиражы |
25 932 (2012) |
|
| |
| Веб-сайт: http://omet-rb.ru/ | |
Беренче саны 1991 елның 12 июлендә дөнья күрә башлый. Гәзит тиз вакыт эчендә укучылар арасында популярлык яулап, республиканың мәгълүмат киңлегендә үзенә лаеклы урынны били. Гәзит җәмгыятьнең рухи үсешенә, әдәбият, мәдәният, тарих һәм этнографиядә милли традицияләрне күтәрүгә һәм татар телен үстерүгә зур өлеш кертә. Шулар белән бергә сәясәтне, икътисадны да киң яктырта. 2001 елда баш мөхәррир булып Рәдис Ногманов килә.
«Өмет»нең «Сихәт», «Чаткылар», «Сезнең өчен», «Мин яшь» дигән кушымталары бар. Тормышның мөһим проблемаларын яктырткан бик күп рубрикалар яшәп килә. Мәсәлән, «Шәхес янында», « Күңелемдәген ачып салам», «Сер итеп кенә», «Гаилә учагы», «Ни өчен шулай?», «Билгеле билгесез дөнья», «Кулланучылар почмагы», «Алло, «Өмет» тыңлый», «Өмет»кә соравым бар», «Ерактагы якын кардәшләр», «Өмет» табибы» һ.б.
2012 елда «Өмет» республикада икенче тиражлы басма – аны 30 меңнән артык гаилә алдыра. 2012 елда Татарстанда, Саха-Якутиядә, Иркутскида, Ырынбурда, Удмуртиядә, Ульяновскида утызга якын укучылары барлыкка килде.
Чыганаклар
үзгәртү- Редакция турында(үле сылтама) (иске сайт)
- Без кабызган учак яктысы 2017 елның 15 апрель көнендә архивланган.