Xalıqara cinäyät mäxkämäse

Xalıqara cinäyät mäxkämäse (inglizçä International Criminal Court, ICC, fr. Cour pénale internationale) — cinäyät ğädäläte berençe xalıqara mäxkämäse, qırğınnar, genotsid, xärbi cinäyätlär, keşelekkä qarşı cinäyätlärne tikşerep qarıy.

     Xalıqara cinäyät mäxkämäseneñ äğza-illäre      Rim statutına qul quyğan, läkin raslamağan illär       Rim statutına quşılmağan illär

Haaga şähärendä Xalıqara cinäyät mäxkämäseneñ baş yortı

1998 yılda Rim statutı nigezendä oyışqan, 2002 yılnıñ 1 iyülennän eşli başlıy.

Bütän maxsus häm qatnaş cinäyät mäxkämälärennän ayırmalı bularaq daimi räweştä eşli. Rim statutın qabul itkännän soñ qılğan cinäyätlär tikşerep qarala.

Xalıqara cinäyät mäxkämäse Haaga şähärendä urnaşqan, BMO Xalıqara Mäxkämäsennän ayırmalı bularaq BMO strukturasına kermi, läkin BMO İminlek Şurası qararı buyınça cinäyät eşen quzğata ala.

Taswir

Eş tele - inglizçä, fransuzça.

Xezmät itü waqıtı - 9 yıl.

Xökemdar sanı - 18.

2013 yılda BMO 193 äğzasınnan 122 Rim statutın raslağan.

2000 yılda Räsäy Rim statutın imzalağan, läkin älegä raslamağan, şuña kürä Xalıqara cinäyät mäxkämäsenä buysınmıy, läkin küzätüçe bulıp xezmättäşlek itä.

AQŞ Xalıqara cinäyät mäxkämäseneñ eşçänlegen xuplamıy, 2002 yılda üz imzasın çaqırıp qaytara.

Sıltamalar

• Официальный сайт
• МУС на сайте ООН
• Римский статут 2008 елның 9 май көнендә архивланган.
• Что мешает России ратифицировать Римский статут