Sara Sadıyqova

Sara Ğärif qızı Sadıyqova (1906-1986), aktrisa, cırçı (soprano), kompozitor. TASSRnıñ xalıq artistı (1977), RSFSRnıñ atqazanğan sänğät eşleklese (1984). 1938-1948. yıllarda Tatar Opera häm Balet Teatrı solistı. Saniä, Qaçqın, Ğäliäbanu, Başmağım, İldar opera häm muzıkal komediälärendä, Qandır buyı, Nayomşçik muzıkal dramalarında töp partiälärne başqara.

Cırlar, Mäxäbbät cırı (1971), Kiäwlär (1972) muzıkal komediäläre avtorı (ikese dä R. Ğöbäydullin belän berlektä).

TASSRnıñ Ğabdulla Tuqay isemendäge Däwlät büläge laureatı (1990, wafatınnan soñ).

Xäter

2006 yılda Tatarstan Respublikası ministrlar kabinetı qararı (№ 511 12.10.2006) belän Qazannıñ Waxitov rayonındağı (İske Tatar bistäse) Narimanov uramınıñ Tatarstan uramınnan başlanğan öleşenä Sara Sadıyqova uramı iseme birelgän.