Roza Dubovski
Roza Çanovski (isp. Rosa Chanovsky; şulaq uq Çanovskaya (rus. Роза Чановская); yaq. 1885 yıl, Räsäy imperiäse — 1972 yıl, Argentina, Buenos-Ayres), kübräk Roza Dubovski (isp. Rosa Dubovsky) yäki Roza Dubovskaya (rus. Роза Дубовская) bularaq bilgele — yähüd çığışlı Argentina anarxo-feministik[en] häm anarxo-sindikalistik[en] aktivistkası.
| Roza Çanovski isp. Rosa Chanovsky | |
Dubovskilar ğailäse. Utıralar: Roza Çanovski häm Adolfo Dubovski. | |
| Tuu datası |
yaqınça 1885 |
|---|---|
| Tuu urını | |
| Ülem datası | |
| Ülem urını | |
| İl | |
| Eşçänlek töre | |
Ul Argentina töbäk eşçelär federatsiäsendä[en] (FORA) häm Emma Goldman kitapxanäsen nigezläwdä aktiv qatnaşqan.
Biografiäse
үзгәртүRoza Çanovski Räsäy imperiäsendä yähüd ğailäsendä tuğan.
1905 yılda anıñ ire Adolf Dubovskiy (soñraq Argentinada Adolfo bularaq bilgele) 1905 yılğı Räsäy inqilabına kitergän tärtipsezleklärdä qatnaşqan. Roza anarxist xäräkätenä cälep itelgän bulıp çıqqan.
Adolf belän Roza Räsäydän Törkiä aşa emigratsiälägän, ä annan Roza Fransiägä, ä Adolf Buenos-Ayresqa küçkän.
1907 yılda ğailä Santa-Fe provinsiäsendäge Rosario şähärendä yañadan berläşkän.
Roza eşläpä yasaw buyınça osta bulıp eşlägän, ä anıñ ire timer yulda eşlägän. Roza Argentinada anarxistlar xäräkätendä qatnaşa başlağan, üzen xatın-qızlar törkemnären oyıştıruğa bağışlağan.
Argentinada ul xatın-qızlar problemalarında maxsuslaşqan Emma Goldman kitapxanäsenä nigez salğan.
1900 yıllar başında ul şırpı fabrikasında eşläwçe xatın-qızlarnı oyıştırırğa yärdäm itkän[1].
1930 yılda Argentinada däwlät tüntäreleşennän[en] soñ Roza, anıñ ire häm alarnıñ altı balası Buenos-Ayresqa qaçqan, anda 1934 yılda anıñ ire ülgän. Dubovskaya tışlaw sänäğätendä eşli başlağan.
Ul FORA häm Argentina libertar federatsiäse[en] belän 1972 yılda wafat bulğançı bäyle bulğan.
Anıñ qızı Sara şulay uq xatın-qızlar anarxist xäräkätenä cälep itelgän bulğan[2][3][4].
İskärmälär
үзгәртү- ↑ Deutsch (2009-03-01). Argentina: Jewish Women. Jewish Women's Archive. 2016-09-23 тикшерелгән.
- ↑ Dubovsky, Rosa (18?-1972) nee Chanovsky. 2016-09-23 тикшерелгән.
- ↑ Bellucci, Mabel (1994). «Anarquismo y feminismo. El movimiento de mujeres anarquistas con sus logros y desafíos hacia principios de siglo». Todo es Historia. abril (321): 66-67.
- ↑ Mendes, 2014, 234 бит.
Ädäbiät
үзгәртү- Mendes, P. (2014). Jews and the Left: The Rise and Fall of a Political Alliance. Springer. . https://books.google.com/books?id=JLquAwAAQBAJ&pg=PT234.