Олаф Шольц
О́лаф Шольц (алман. Olaf Scholz; 1958 елның 14 июне, Көнбатыш Алмания, Түбән Саксония, Оснабрюк) — алман сәясәтчесе, 2021 елның 24 ноябрендә 
Алмания федераль канцлеры итеп сайланган, 8 декабрендә федераль канцлер вазифасына керешкән. 2018 елның 14 мартыннан Алманиянең вице-канцлеры һәм финас министры. АСДФ әгъзасы[1].
| Олаф Шольц | |
|---|---|
 | |
| Алмания федераль канцлеры | |
| Вазыйфага керешкән 2021 елның 8 декабре | |
| Президент | Франк-Вальтер Штайнмаер |
| Аңа кадәр | Ангела Меркель |
| Алмания вице-канцлеры | |
| Вазыйфага керешкән 2018 елның 14 марты | |
| Алмания финанс министры | |
| Вазыйфага керешкән 2018 елның 14 марты | |
| Аңа кадәр | Вольфганг Шойбле |
| Гамбургның беренче бургомистры | |
| Вазыйфада 2011 елның 7 марты – 2018 елның 13 марты | |
| Аңа кадәр | Кристоф Альхаус |
| Дәвамчысы | Петер Ченчер |
| Шәхси мәгълүмат | |
| Туган | 14 июнь 1958 (66 яшь) Көнбатыш Алмания Түбән Саксония, Оснабрюк |
| Сәяси фирка | АСДФ |
| Җефет | Бритта Эрнст[d] |
| Әни | Кристель Шольц[d] |
| Әти | Герхард Шольц[d] |
| Белем | Гамбург университеты (1985) |
| Култамга |  |
Тәрҗемәи хәле
үзгәртү
1958 елның 14 июнендә Көнбатыш Алманиянең Түбән Саксония җире Оснабрюк шәһәрендә туган.
1985 елда Гамбург университетын хезмәт хокукы буенча белгеч буларак тәмамлаган.
2007 елның ноябреннән 2009 елның октябренә кадәр Алманиянең хезмәт һәм җәмәгать эшләре министры вазыйфасын башкара.
2009-2011 елларда ― Алманиянең социаль-демократик партиясенең парламент фракциясе рәисе урынбасары.
2011 елның 20 февралендә Гамбургта АСДФ бүлеге рәисе буларак, төбәк сайлауларында җиңеп, Гамбургның бургомистры була. Бу Ганза шәһәре аерым дәүләт―федераль җир булып торганга күрә, әлеге вазифа Алманиянең башка дәүләтләрендәге (федераль җирләрдә) премьер-министр вазыйфасына туры килә.
2018 елның 13 февралендә АСДФ президиумы һәм идарәсе Олаф Шольцны партия рәисе в.в.б. итеп билгели.
2018 елның 13 мартында Гамбург бургомистры вазифасыннан отставкага китә.
2018 елның 14 мартыннан ― Алмания вице-канцлеры һәм финанслар министры.
2021 елның 24 ноябрендә Алмания федераль канцлеры итеп сайланган[2].
2021 елның 8 декабрендә федераль канцлер вазифасына керешкән[3].
Фирка карьерасы
үзгәртү1975 елдан, өлкән мәктәп укучысы буларак, Алмания социаль-демократик партиясенең Jusos («Яшь социалистлар»дан кыскартылган) яшьләр оешмасы эшендә катнаша башлый. 1982 елдан 1988 елга кадәр – Jusos федераль рәисе урынбасары, 1987 елдан 1989 елга кадәр – Халыкара социалистик яшьләр берлеге вице-президенты.
Jusos –та эшләгән вакытта, Freudenberger Kreis (Jusos университет төркемнәренең Stamokap канаты), шулай ук spw журналына теләктәшлек күрсәтә, мәкаләләрендә «капиталистик икътисадны җиңү»не пропагандалый. Шольц «»агрессив-империалистик НАТО оешмасы»н, «зур бизнесның Аурупадагы тоткасы» буларак Федератив Алмания Җөмһүриятен тәнкыйтьли.
Фиркадә җитәкче урыннарда
үзгәртүАлмания социаль-демократик партиясенең башкарма директоры (2001 елдан 2019 елга кадәр) һәм генераль секретаре (2002 елдан 2004 елга кадәр). 2001 елдан 2019 елга кадәр ул төрле вазыйфаларда АСДФ партиясенең башкарма органы әгъзасы була. Федераль рәис урынбасары (2009 елдан 2019 елга кадәр). 2019 елда АСДФ рәисе сайлауларында җиңелгәч, федераль рәис урынбасары вазыйфасына башка сайланмый.
2018 елның 13 февралендә АСДФ президиумы карары нигезендә Шольц партия рәисе итеп билгеләнә [4]. 2018 елның 22 апрелендә фирканең парламент фракциясе лидеры Андреа Налес фирка лидеры итеп сайлангач, Шольц рәис вазифаларын башкарудан туктый.
Бундесканцлерлыкка кандидат (2021 ел)
үзгәртү2020 елның 10 августында АСДФ җитәкчесе Шольцны 2021 елгы парламент сайлаулары бундесканцлерлыкка кандидат итеп тәкъдим итә. Ул вакытта Шольц сорашып белешүләрдә иң популяр сәясәтче булып тора, әмма партиянең сул канатында бәхәсләр уята. 2021 елның 9 маенда, федераль канцлер вазыйфасына кандидат буларак, 96,2 процент тавыш белән расланган.
2021 елның 26 сентябрендә Алманиядә узган парламент сайлауларында Олаф Шольц фиркасе өчен алманнарның 25,7 % ы тавыш биргән. Лидеры гамәлдәге канцлер Ангела Меркель булган Христиан-демократик һәм Христиан-социаль берлек 24,1 % кына тавыш җыйган. АСДФ бундестагта 206 урын алачак [5].
Гаилә хәле
үзгәртүХатыны (1998 елдан) ― Бритта Эрнст (алман. Britta Ernst, 1961 елгы), АСДФ сәясәтчесе, Бранденбургның мәгариф, яшьләр һәм спорт министры (2014 елдан). Балалары юк.
Сылтамалар
үзгәртү- Олаф Шольц биографиясе Алмания бундестагы сайтында
- Official website 2011 елның 12 гыйнвар көнендә архивланган.
Искәрмәләр
үзгәртү- ↑ Prof. Dr. med. Jens Scholz. dgai.de. әлеге чыганактан 2012-01-31 архивланды. 2021-09-27 тикшерелгән.
- ↑ Олаф Шольц стал новым канцлером Германии. Sputnik, 24.11.2021(рус.)
- ↑ Олаф Шольц стал новым канцлером ФРГ. ТАСС, 8.12.2021(рус.)
- ↑ Олаф Шольц будет руководить немецкими социал-демократами до съезда партии. // Deutsche Welle.
- ↑ Bundestagswahl 2021 (Выборы в Бундестаг 2021)(алм.)