Lukas Brices
Lukas Brices, Esteban Lukas Brices (isp. Esteban Lucas Bridges; 1874 yılnıñ 31 dekäbre, Uşuaya — 1949 yılnıñ 4 aprele, Buenos-Ayres) — ingliz çığışlı Argentina yazuçısı häm tikşerenüçese.
| Lukas Brices isp. Lucas Bridges | |
.jpg) | |
| Tuu datası | |
|---|---|
| Tuu urını | |
| Ülem datası | |
| Ülem urını | |
| Watandaşalıq | |
| Eşçänlek töre |
yazuçı, tikşerenüçe |
| Janr | |
| Äsärlär tele | |
Biografiäse
үзгәртү1874 yılnıñ 31 dekäbrendä Uşuaya şähärendä tuğan. Anglikan missioner Tomas Bricesnıñ (1842—1898) öçençe ulı bulğan.
Bricesnıñ ülemenä ber yıl qala bastırılğan «Cirneñ iñ çitendä» (1948) kitabında ul 1871 yılda Utlı Cirgä missiä belän küçep kilgän ğailäseneñ yöz yılğa yaqın tarixın taswirlağan. Anıñ ätise 1856 yıldan tänäfeslär belän äle Keppel[en] utrawında, äle Folklend utrawlarında, äle turıdan-turı Utlı Cirdä yäşägän. Bu klassik ädäbi äsär öç sivilizatsiäneñ: aqlar, yagannar[en] häm selknamnarnıñ[en] bäreleşü tarixın söyli. Lukas Brices Utlı Cirneñ cirle xalqı arasında üskän, cirle ike qäbiläneñ dä tellären häm ğöref-ğädätlären öyrängän. Awrupadan küçep kilüçelärneñ ekspansiv eşçänlege näticäsendä ike qäbilä dä yäşäwdän tuqtağan.
1898 yılda Brices Harberton stansiäsennän tönyaqqa Fanyano[en] küleneñ könçığış öleşenä yul açqan, anda cirlär sarıqlar kötüwe häm ürçetüwe öçen yaraqlı bulğan[1]. 1902 yılda Brices häm anıñ qärdäşläre Utlı Cirneñ Tönyaq öleşendä Viamon stansiäsenä nigez salğan, ä yaña yul ike stansiä arasında terlekne taşu öçen faydalanılğan[2].
Soñraq Brices Angliägä kitkän, anda xezmätkä kergän häm Berençe bötendönya suğışında qatnaşqan. 1917 yılda ul Jannett Maklaud Jardinğa (1890—1976) öylängän. Suğıştan soñ ul Könyaq Afrikağa küçep kitkän, anda qärdäşe belän bergä ranço tözägän. Axır çiktä, ul Argentinağa qaytqan, häm ğömereneñ soñğı yılların şunda yäşägän. Buenos-Ayresta ülgän häm Çakarita rayonındağı britan ziratında cirlängän[3], şunda uq anıñ ätise dä cirlängän[4].
İskärmälär
үзгәртү- ↑ Estancia Harberton website.
- ↑ Estancia Viamonte website.
- ↑ British Cemetery in Buenos Aires website: Lucas Bridges. әлеге чыганактан 2012-04-02 архивланды. 2012-03-31 тикшерелгән.
- ↑ British Cemetery in Buenos Aires website: Thomas Bridges. әлеге чыганактан 2012-04-02 архивланды. 2012-03-31 тикшерелгән.
Ädäbiät
үзгәртү- Obituary: Lucas Bridges, The Geographical Journal 114 (1949) 240—241.