Barak Obama

(Barack Obama битеннән юнәлтелде)

Бу мәкаләнең кирилл әлифбасындагы игезәге бар.

Barack Hussein Obama

Barak Hösäyen Obama II (inglizçä Barack Hussein Obama II) — Amerika Quşma Ştatlarınıñ 44-çe prezidentı.

Barak Obama çığışı belän Keniädän bulğan möselman keşese belän aqtänle amerikalı xatın-qğz ulı bularaq 1961 yılnıñ 4 awgustında Amerika Quşma Ştatlarınıñ Haway ştatındağı Honolulu qalasında dönyağa kilä.

Obamanıñ änise häm ätise Haway universitetında uqığanda tanışalar häm öyläneşälär. Yaña öyläneşkän par Obama äle 2 yäşendä genä bulğan çaqta ayırıldı.

Harvard universitetında stipendiat bularaq uqığan äti Obama, 1965 yılda Keniägä qaytıp, xökümät öçen eşlägän bulsa, änise isä şulay uq çit il studentı bulğan İndoneziäle Lolo Sutoroğa kiäwgä çığa.

Obamanıñ äti-änise ayırılğannan soñ barı tik ber tapqır qına Amerika Quşma Ştatlarına yasağan säyäxäte waqıtında 1971 yılda küreşep söyläşkän ätise 1982 yılda Nayrobidä aftamabil qazasında ülde. Änise isä, 1972 yılda ikençe irennän ayırılıp, Amerika Quşma Ştatlarına kire qayttı häm 1995 yılda analıq yaman şeşennän ülde. Obamanıñ äni yağınnan 1 ügi bertuğanı, äti yağınnan isä 7 ügi bertuğanı bar.

Obama änise häm ügi ätise belän bergä İndoneziägä küçende. Başlanğıç mäktäptän soñ Honoluluğa äylänep qaytqan Obama 1979 yılda liţeyne betergänçegä çaqlı äbise häm babayı belän bergä yäşäde. Liţeydän soñ Los Ancelestäge Oksidental Kollecedä universitetnıñ berençe ike sıynıfın uqıdı. Annan soñ isä Nyu Yorktağı Kolumbiä universitetına küçep, 1983 yılda Säyäsi belemnär bülegen tämamladı. 1988 yılda Harvard universitetınıñ xoquq fakultetenä uqırğa kerde. Harvard universitetında çaqta uquçı yäşlär tarafınnan näşer itelgän Harvard Law Review jurnalınıñ baş möxärrir wazifasın başqarğan berençe Afrikalı-Amerikalı buldı. 1991 yılda isä advokat diplomın aldı.

Şäxsi tormış үзгәртү

Obama 1989 yılda Mişel Robinson belän tanıştı häm yäşlär 1992 yılnıñ 3 oktäber könne öyläneşte. 1994 yılğı Mişel Obama ire Barak Obama kebek Harvard universitetınıñ xoquq fakulteten betergän advokat. Parnıñ 1998 häm 2001 yıllarda tuğan Saşa häm Maliä isemle ike qız balası bar.