Абыз (Кама Тамагы районы)

Абыз, Абзавыл — Татарстан Республикасының Кама Тамагы районындагы торак пункт.

Абыз
Дәүләт	Россия
Административ-территориаль берәмлек	Большесалтыковское сельское поселение[d]
Сәгать поясы	UTC+04:00
Халык саны	0
Почта индексы	422831

Карамалы елгасы бассейнында, шәһәр тибындагы Кама Тамагы посёлогыннан 20 км көнбатыштарак. Тарихы

Революциягә кадәрге чыганакларда Кече Салтык исеме белән дә билгеле. 18 йөз - 19 йөзнең 1 нче яртысында халкы дәүләт крәстияннәре катлавына керә, игенчелек, терлек үрчетү белән шөгыльләнә. 20 йөз башында Абызда мәчет, 3 җил тегермәне, 2 ярмаяргыч, йон тетү бинасы, вак-төякләр кибете эшли. Бу чорда авыл җәмәгатенең имана җире 555,8 дисәтинә тәшкил итә. 1920 гә кадәр Казан губернасының Тәтеш өязе Олы Яңасала волостена керә. 1920 дән ТАССРның - Тәтеш, 1927 дән Буа кантонында. 1930 ның 10 августыннан - Кама Тамагы, 1963 нең 1 февраленнән - Тәтеш, 1965 нең 12 гыйнварыннан Кама Тамагы районында.

2010 елда даими яшәүчеләр юк. Халык саны: 1782 дә - 60 ир заты; 1859 да - 248, 1897 дә - 350, 1908 дә - 398, 1920 дә - 383, 1926 да - 239, 1958 дә - 85, 1970 тә - 48, 1979 да - 33, 1989 да - 10, 2002 дә - 0 кеше.

Танылган шәхесләр

• Маннур Саттар, татар шагыйре.
• Гали Кәримов

Климат

Тәүлек буена һаваның уртача температурасы
Гый	Фев	Мар	Апр	Май	Июн	Июл	Авг	Сен	Окт	Ноя	Дек	Ел
-10.8 °C	-10.8 °C	-5.7 °C	4.6 °C	13.5 °C	18.4 °C	20.4 °C	17.8 °C	12.2 °C	4.5 °C	-4.6 °C	-10 °C	4.1 °C

Климат уртача континенталь. Кёппен-Гейгер климатлар классификациясе буенча климатның коды: Dfb. Уртача еллык һава температурасы 4.1 °C.

Чыганаклар

• Татарская энциклопедия, Институт Татарской энциклопедии (ИТЭ) Академии наук РТ.