Өчкүл (Әлмән районы)
Өчкүл яки Шабай – Курган өлкәсендә, Чиләбе өлкәсе чигендә татар авылы. Күпчелек халкы татарлар һәм башкортлар булган Әлмән районына карый. Курган өлкәсендә тагын бер Өчкүл (Трехозерки) авылы бар. Ул да татар авылы. Авыл өч күл буена урнашкан – Чөй (Цөй), Сөлекле һәм Ялангач күлләре, шулар арасында Чөй – иң зрусы.[3]
| Өчкүл | |
| Дәүләт |
 Россия[1] |
|---|---|
| Административ-территориаль берәмлек | Малышевский сельсовет[d][1] |
| Халык саны |
1000 (1891), 872 (1900), 1146 (1916), 1190 (1926), 366 (1989), 328 (2002), 256 (2010)[2] |
| Почта индексы | 641140 |
 | |
Белешмә
үзгәртү
Авылга 1587 елда эчкен татарлары тарафыннан нигез салынган, дип санала. Элек Өчкүл зур авыл булган, анда меңнән артык кеше яшәгән, картлар аның җиде урамы, мәчет-мәдрәсәсе булуын сөйлиләр. Совет заманында халык совхозда эшләгән. Тегү цехы булган. Бүген 100 хуҗалыкта ике йөздән артык кеше яши. Мәктәп һәм мәктәпкәчә яшьтәге балалар иллегә якын. Башлангыч мәктәп эшли. 2009 елда авылда зур ике вакыйга булган. 1956 елдан соң беренче тапкыр сабантуе узган һәм мәчет ачылган. Сабантуена 500 якын кеше җыелган.
Инде бетүенә таба барган бу татар авылына икенче сулышны өрүче – шушы авыл егете, хәзер Себердә зур эшмәкәр, хаҗи, милләтпәрвәр, 41 яшьлек Марат Юнысов булып чыкты. Үз акчасына мәчетне торгызган, татар үзәген ачкан, авылдагы бөтен милли, мәдәни, дини чараларга, Сабантуйларга акчаны да үз кесәсеннән ул бирә. Моңа кадәр 17 чакрымдагы рус авылына барып укыган балаларны ул 7 чакрымдагы Иванково (Әмәнкүл) авылы мәктәбенә күчерә алган, үз акчасына аларга автобус сатып алган, шоферын үзе түләп тота. Балаларны анда күчерүнең төп сәбәбе – Иванково мәктәбендә татар теле дә укытыла.
Биредә газ, әсфәлт юллар юк, ә авылга барыбер шәһәрләрдән кайта башлаганнар, чөнки аның киләчәген күрәләр.
Искәрмәләр
үзгәртүЧыганак
үзгәртүВидео
үзгәртү- Халкым минем, 1нче өлеш 2016 елның 5 март көнендә архивланган.