Харрас Әюп

Харрас Гыйльмегали улы Әюпов (1946 елның 21 августы, Cəʙᴎт Социалистик Җɵᴍhүpᴎᴙтләр Беpᴫеᴦе, РСФСР, ТАССР, Мөслим районы, Түреш — 2008 елның 7 октябре, РФ, ТР, Казан) — мәшһүр татар шагыйре, СССР Язучылар берлеге әгъзасы (1982 елдан). Гаяз Исхакый исемендәге премия лауреаты (вафатыннан соң). Татарстан Республикасының атказанган сәнгать эшлеклесе (1994).

Харрас Әюп
Туган телдә исем	Харрас Гыйльмегали улы Әюпов
Туган	21 август 1946(1946-08-21) Cəʙᴎт Социалистик Җɵᴍhүpᴎᴙтләр Беpᴫеᴦе, РСФСР, ТАССР, Мөслим районы, Түреш
Үлгән	7 октябрь 2008(2008-10-07) (62 яшь) РФ, ТР, Казан
Яшәгән урын	Жуковский урамы
Милләт	татар
Ватандашлыгы	Калып:Байраклаштыру/Cəʙᴎт Социалистик Җɵᴍhүpᴎᴙтләр Беpᴫеᴦе→ РФ
Һөнәре	шагыйрь
Җефет	Лүзия Әюпова
Бүләк һәм премияләре	Гаяз Исхакый исемендәге премия,

Тышкы рәсемнәр
	Якташлары белән төшкән фотолары.

Тәрҗемәи хәле

Ул 1946 елның 21 августында Татарстан АССР Мөслим районы Түреш авылында колхозчы гаиләсендә туган. Түрештәге башлангыч мәктәпне һәм шул ук районның Күбәк урта мәктәбен тәмамлаганнан соң, Казанга килеп, 1964 — 1969 елларда Казан Дәүләт Университетының татар теле һәм әдәбияты бүлегендә укый. 1969—1972 елларда Мөслимдә чыга торган «Авыл утлары» район газетасында әдәби хезмәткәр була. 1972 елның апреленнән алып 1983 елның декабренә кадәр ул «Татарстан яшьләре» газетасы редакциясендә эшли. 1983 елның декабреннән Татарстан китап нәшриятының матур әдәбият редакциясе редакторы.

2008 елның 7 октябрендә кинәт вафат була. Кабере Мөслим районы Түреш авылы зиратында.

Иҗаты

Беренче шигырьләре 1960-еллар башында языла, алар район газетасында һәм «Яшь ленинчы»да (хәзерге «Сабантуй»да) басыла.
Университетта укыганда «Әллүки» иҗат берләшмәсенә йөри, әсәрләре «Идел» альманахында, яшь авторларның күмәк җыентыкларында дөнья күрә.
1980 елда «Ышаныч» исемле беренче җыентыгы басыла.

Басма китаплары

«Кояшлы яңгыр» (1983), «Каен балкышы» (1985), «Таң суы» (1987), «Төнге кояшлар» (1989), «Сабыр савытлары» (1992), «Ташка язганнар сөюне» (1994 (башк.)), «Җәяүле буран» (1996), «Көй эзләү» (2001), «Ут аркылы сикерү» (2004), «Йөз яктысы» (2005), «Летнее течение» (2008 (рус.)).

Поэмалары

Катлаулы заманның аерым үзенчәлекләрен һәм билгеләрен тирән һәм тәэсирле итеп ачып биргән поэмалары: «Авыл җаны», «Көй эзләү», «Йөрәк атым», «Базарлар», «Су хәтере», «Биш вакыт намаз».

Җырлары

Көйгә салынган шигырьләре: «Сиңа гына язган хатлар» (Л. Батыр-Болгари музыкасы), «Кайда син, гармун?» (З. Хәйретдинов музыкасы), «Миләш» (З. Хәйретдинов музыкасы), «Исемеңне язган идем» (Р. Хәсәнов музыкасы), «Гомерләр узып бара» (М. Шәмсетдинова музыкасы), «Ай-һай, дөнья» (М. Шәмсетдинова музыкасы), «Чакыру» (Г. Мингалиев музыкасы), «Авыл карчыклары» (Р. Вәлиев музыкасы).

Бүләкләре, мактаулы исемнәре

• 1994 – Татарстан Республикасының атказанган сәнгать эшлеклесе
• Вафатыннан соң — Татарстан Язучылар берлегенең Гаяз Исхакый исемендәге премиясе

Тышкы рәсемнәр
	«Харрас» чишмәсе фотосурәтләре.

Хәтер

Мөслим районы Түреш авылында шагыйрь истәлегенә «Харрас» чишмәсе ачыла.

Сылтамалар

• Харрас Әюп «Милләттәшләр» порталында
• Татар электрон китапханәсе(үле сылтама)
• Шигърияте
• Мөслим әдипләре. Харрас Әюпов. 2021 елның 16 апрель көнендә архивланган. МӨҖӘҺИТ сайты