Fransisko Ernandes de Kordoba (Yukatannı tikşerüçe)

Fransisko Ernandes de Kordoba, qaywaqıt de Kordova (isp. Francisco Hernández de Córdoba; 1475 yıl, Qurtubä — 1518 yıl, Sankti-Spiritus) — ispan konkistadorı.

Fransisko Ernandes de Kordoba isp. Francisco Hernández de Córdoba
Hönäre	säyäxätçe-tikşerüçe, konkistador
Tuu datası	1475 yıl(1475)
Tuu cire	Qurtubä
Ülem datası	1518 yıl(1518)
Ülem cire	Sankti-Spiritus

Biografiäse

1517 yılnıñ 8 fevralendä Fransisko Ernandes de Kordoba qollar basıp alu maqsatı belän öç qorab belän Bagam utrawları yağına kitkän. Köçle dawıllar anı kurstan alıp kitkän häm näticädä ul awrupalılardan berençe bulıp Yukatan yarımutrawı yarları aldında urnaşqan Kosumel utrawına citkän. İsla-Muxeresta (Xatın-qızlar utrawında) anıñ ekspeditsiäse xatın-qızlarnı sürätlägän zur sınnar tapqan. Kuba xalqınan ayırmalı bularaq, de Kordoba monda yuğarıraq üseş alğan maya xalqın oçratqan. Utrawda yäşäwçelär yaxşı kiengän häm altın bizäklär kigännär.

Yulbaşçı Moç-Kouo citäkçelegendä mayalar ispannarğa doşmanlıq kürsätkännär. Ernandes de Kordoba maya belän bäreleşlärgä kergän häm awır yaralanğan. Şuña kürä ul yarımutraw yarları buylap yözärgä qarar itkän. 1517 yılnıñ 20 martında soñraq San-Fransisko-de-Kampeçe şähärenä nigez salınaçaq urınğa kilep citkäç, ekspeditsiä Kubağa qaytu öçen borılğan. Ekspeditsiäneñ berençe sostavındağı 110 keşeneñ yartısı yulda häläq bulğan. Ekspeditsiä äğzası Bernal Dias del Kastilyo bulğan. Ernandes de Kordoba üze qaytqannan soñ ozaq ta ütmi wafat bulğan.

Ernandes de Kordoba açılışları ispannar arasında, ayıruça Kuba gubernatorı Diego Velaskes de Kuelyarda altın bizgäk uyatqan. 1518 yılda ul Xuan de Grixalva citäkçelegendä çirattağı ekspeditsiäne cihazlandırğan häm cibärgän.

Ädäbiät

• Henry Raup Wagner, The discovery of Yucatan by Francisco Hernández de Córdoba, Berkeley, Calif.: Cortes Society, New York, Kraus Reprint Co., 1942; 1969

Sıltamalar

• Discovery of Yucatán, on the Mexican web site redescolar.
• Discovery of Yucatán, on México desconocido.