Тычкан белән песи

Тычкан белән песи — татар халык уены.

Тычкан белән песи
Уенчылар саны	күп
Уйнау урыны	спорт залы, урам
Физик активлык	югары

Уйнау тәртибе

Уйнаучылар кулга-кул тотынып бер түгәрәк ясыйлар. Бер баланы тычкан, берсен песи итеп билгелиләр. Тычкан песине куа башлый. Түгәрәктә торучылар тычканны песидән сакларга тырышалар. Тычкан түгәрәкнең эчендә булса, песигә түгәрәкнең эченә керергә ирек бирмиләр. Песи ничек тә хәйлә белән эчкә керә алса, тычканга түгәрәктән чыгып китәргә юл ачалар, песине тышкы якка чыгармаска тырышалар. Тычкан песине тотса, болар түгәрәккә кереп, икенчеләр песи-тычкан булалар.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.