Рәшит Ягъфәров
Рәшит Фәйзрахман улы Ягъфәров – фольклорчы-галим, шагыйрь һәм милләтпәрвәр сәясәтче.
| Рәшит Ягъфәров | |
|---|---|
 | |
| Туган телдә исем | Рәшит Фәйзрахман улы Ягъфәров |
| Туган | 6 февраль 1946 Пермь өлкәсе Барда районы, Күчтәнти Баш авылы |
| Үлгән | 26 август 2008 (62 яшь) Казан |
| Милләт | татар |
| Ватандашлыгы |  ССРБ, соңрак  Россия Федерациясе |
| Һөнәре | галим, шагыйрь, сәясәтче, укытучы, журналист, режиссер, артист |
| Балалар | Илдар Ягъфәров (танылган татар кинематографисты) |
Тәрҗемәи хәле
үзгәртүРәшит Ягъфәров 1946 елның 6 февралендә Пермь өлкәсе Барда районының таралган Күчтәнти Баш авылында туган. Урта мәктәпне тәмамлаганнан соң, Оса педагогия училищесында белем ала, 1969 елда Казан дәүләт университетының татар теле һәм әдәбияты бүлеген тәмамлый һәм Пермь өлкәсенең Барда район газетасында әдәби хезмәткәр, бүлек мөдире, җирле радиотапшырулар дикторы һәм редакторы, Бардада укытучы булып эшли.
1973 елда Казанга килә һәм Татарстан Фәннәр Академиясенең Г. Ибраһимов исемендәге Тел, әдәбият һәм тарих институтында аспирантура тәмамлый. Соңыннан шул институтның фәнни хезмәткәре, Казан дәүләт педагогика университеты укытучысы, Татарстан укытучылар белемен күтәрү институтының татар теле һәм әдәбияты кафедрасы мөдире, Бөтендөнья татар конгрессы Башкарма комитеты рәисе киңәшчесе һәм бүлек мөдире вазифаларын башкара. 1995 елдан – Г.Ибраһимов исемендәге Тел, әдәбият һәм сәнгать институтының өлкән фәнни хезмәткәре.
Р.Ягъфәров "Шигърият чишмәләре", "Татар халкының уен кораллары" дигән гыйльми монографияләр, "Балалар фольклоры", "Татар халык уеннары, "Уеннар" кебек егермеләп фольклор җыентыклар, алты йөздән артык фәнни һәм популяр мәкаләләр авторы.
2008 елның 26 августында Казанда вафат була.
Истәлек
үзгәртүУлы Илдар Ягъфәров атасының татар милләте киләчәге турындагы уй-борчылулары нигезендә [1] «Югалту» исемле кыска метражлы нәфис фильм[2] төшергән. Фильмның премьерасы 2012 елның 8 сентябрь[3] элек "Алтын Мөнбәр" дип танылган VIII Казан халыкара кинофестивалендә ясала[4][5].
Искәрмәләр
үзгәртү- ↑ YouTube:"Югалту" фильмы турында ТНВ-Планета телеканалы сюжеты
- ↑ YouTube:"Югалту" фильмы трейлеры
- ↑ ПРЕМЬЕРА ФИЛЬМА "ЮГАЛТУ" РЕПОСТ!
- ↑ Экватор фестиваля мусульманского кино и «Потеря» Ильдара Ягафарова 2012 елның 19 октябрь көнендә архивланган.(рус.)
- ↑ Мөселман кинофестивалендә “Югалту” фильмы тәкъдим ителде
Сылтамалар
үзгәртү- Рәшит Ягъфәров вафат
- Рәшит абыйның соңгы әңгәмәсе(үле сылтама)
- Бардада Рәшит Ягъфәровне искә алдылар
| Татар халык иҗаты | ||