Туп йөртеш

Туп йөртеш — татар халык уены.

Туп йөртеш
Уенчылар саны	күп
Уйнау урыны	спорт залы, урам
Физик активлык	түбән

Уйнау тәртибе

Балалар санамыш ярдәмендә бер көтүче сайлап куялар. Калганнары, көтүчене уртага калдырып, кысылыбрак түгәрәкләнеп басалар. Кулларын артка куеп торалар. Бер кешенең кулында кечкенә туп була. Аны ул арткы яктан кулдан-кулга җибәрә. Бу вакытта көтүче күзләрен йомып тора. Бераздан соң балалар көтүчедән: «Туп кемдә?» — дип сорыйлар. Әгәр көтүче дөрес әйтсә, ул кулында туп булган уенчының урынын ала. Ә тегесе көтүче булып уртага баса.

Уен шул рәвешчә дәвам итә.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.