Тукай (Александровка районы)
Тукай — Ырынбур өлкәсенең Александровка районында урнашкан татар авылы, авыл советы үзәге. 236 йортта 736 кеше яши, татарлар. Урта мәктәп эшли. 3 зур фермер хуҗалыгы («Алтын башак», «Болгар» һәм «Виктория»).
| Халык саны | 581 (2010, Җанисәп)  |
|---|---|
| География | |
| Ил | Россия |
| Координатлар | 52°42'тн, 54°11'кнч |
| Почта индексы | 461846 |
 | |
Тарихи белешмә
үзгәртүXIX гасырның беренче яртысында Стәрлетамак өязенең Тукай авылы кешеләре нигез сала. Җирләре азлыкка күрә алар патшадан Йомран-Табын вулысы җирләрен бирүне сорый. 1842 елда аларга Каепкол һәм Әбҗәлил башкортларыннан алынып җир бүлеп бирелә (10 740 дистә). Рөхсәт кәгазен есауллар Биктәш Үзәков, Мәүлетов, Дибаев, Әлбиков юлла ала. 1866 елда инде 171 йортта 1017 кеше яши. 1850 елда биредә Яңа Башкорт вулысы үзәге оештырыла. 14 авыл буйсына. 1917 елдан соң вулыс Ток-Чуран кантоны итеп үзгәртелә.
Мәгариф
үзгәртүАвыл мәктәбендә инкыйлабка кадәр җәдитчә укыталар. Бирегә балаларны тирә-күрше авылларндан һәм даладан алып киләләр. 1918-1926 елларда башлангыч мәктәбе мөдире булып Лотфи Гадилов эшли. Соңыннан — «Кызыл Таң» мөхәррире, Башкортстан радиокомитеты башлыгы. 1940 елны урта мәктәп итеп үзгәртелә. 1964 елны укыту һәрҗирдәгечә олы агай теленә. 2011 елда 120 бала укыган. Мәктәпнең горурлыгы — мәктәп музее.[1]
Танылган шәхесләр
үзгәртү- Эрнст Дибай, астроном.
Демография
үзгәртүХалык саны динамикасы:
| Халык саны |
|---|
| 2010[2] |
| 581 |
Искәрмәләр
үзгәртү- ↑ http://tukayshkola71.ucoz.ru/index/istorija_shkoly/0-4
- ↑ Всероссийская перепись населения 2010 года. Численность и размещение населения Оренбургской области. әлеге чыганактан 2014-06-05 архивланды. 2014-06-05 тикшерелгән.
- ↑ 2010 елгы җанисәп алу базасы., archived from the original on 2015-09-15, retrieved 2017-03-31
- ↑ Милләтне әйтмәгән кешеләрне исәпләмичә