Тимур Богуславский
Тимур Ирек улы Богуславский (2000 елның 30 апреле, Казан, Россия) — Россия автоузышчысы, GT World Challenge Europe чемпионатында чыгыш ясый. Боҗра узышларында дебюты елында (2016) Тимур Россия чемпионаты этабы призёры[1], Татарстан ачык чемпионаты этаплары җиңүчесе[2] һәм призёры[3], Татарстан Кубогы иясе, абсолют зачётта Canyon Cup монокубогы җиңүчесе һәм Junior зачётында җиңүче була, ә 2017 ел башында Radical Middle East Cup боҗра монокубогы узышы призёры, Renault Clio Cup Italia монокубогы һәм «Туринг-Лайт» классында боҗра узышлары буенча Россия чемпионаты җиңүчесе. 2018 елда Богуславский ELMS һәм Lamborghini Super Trofeo Europe ярышларында чыгыш ясый, ә 2019 елда ул PRO зачётында Lamborghini Super Trofeo Middle Eastта чемпион була, шулай ук Blancpain GT Series Silver Cup зачётында чемпион була. Спорт мастеры.
| Тимур Богуславский | |
|---|---|
 | |
| Туган | 30 апрель 2000 (24 яшь) Казан, Россия |
| Ватандашлыгы |  Россия |
| Һөнәре | автоузышчы |
Карьера
үзгәртүТимур Богуславский 2000 елның 30 апрелендә Казанда туа. Автоспорт белән чагыштырмача соң шөгыльләнә башлый. 15 яшендә ул беренче тапкыр Winter Rotax Max Kazan кышкы картинг турнирында катнаша. Шунда ук үзенең беренче тренеры Гадел Муллахмәтов белән таныша. Winter Rotax Max Kazan 2016 алты ярышның дүрт этабында старт ала, 54 катнашучы арасында тугызынчы урында сезонны тәмамлый. 2016—2017 ел сезонында шулай ук 6 нчы этаплы турнирның дүрт раундында катнаша. Ярышларның берсен ота, 58 катнашучыдан дүртенче урынны ала[4]. Бер ел соңрак, 2017—2018 сезонында алты ярышның икесендә генә катнашкан, сезон нәтиҗәләре буенча 22 урынны алган.
2016 елның языннан Тимур Lada Granta Sport Light руле артында тестларны башлап җибәрә, шуннан соң яңа Canyon Cup монокубогында катнаша башлый. Бу ярышлар картинг буенча туринг автоузышларына күчү баскычы буларак, Татарстан Республикасы Автомотоспорт федерациясе белән берлектә Казан Ринг (Каньон) трассасы җитәкчелеге тарафыннан оештырыла. 2017 елның кышында Казан пилоты кышкы Winter Canyon Cup турнирының Усадтагы кар ипподромында узган күчмә узышында җиңә.
2016 елның маенда Богуславский ралли-кросста беренче тапкыр катнаша. Ул Россия автомобиль федерациясе Кубогы узышында, Renault Logan арендаланган автомобилендә Д2Н классында, «Биектау» трассасында квалификация узышларында бишенче һәм финалда алтынчы нәтиҗә күрсәтә. Шул ук елның августында шул ук трассада «Милли» классында Россия чемпионаты этабында катнаша, 14 нче нәтиҗә күрсәтә.
2016 елда Богуславский боҗра узышлары буенча Татарстан Ачык чемпионатында катнаша. Дүрт этаптан өч этапта старт ала. Гомумән алганда, ул алты узышны уза, аларның өчесендә подиумда финишка килә, шул ук вакытта ике узышны отып, бер поул-позицияне яулый.
2016 елның җәендә Сочи Автодром трассасында узышында боҗрада узышу буенча Россиянең әйдәп баручы турнирында — Боҗра узышларының Россия сериясендә, дүртенче этапта катнаша. Богуславский «Туринг-Лайт» категориясенә Россия чемпионатына катнаша, анда класста иң яшь катнашучы була[5].
2016 елның 9 октябрендә боҗрада узышу буенча бер этаплы Татарстан Кубогы уза, ул ике узыштан торган була. Аларның берсен отып, Тимур кирәкле санда очко җыя һәм беренче узыштан турнир җиңүчесе була, анда Россия боҗра узышларының сигез пилоты катнаша[6].
2017 ел башында Богуславский Дөбәйдә Radical Middle East Cup монокубогы ярышында беренче урынны ала. Бер елдан соң Яс Марина трассасында узган Radical Middle East Cup (2017—2018 сезоннары) өченче этабында катнаша. Ике квалификациянең берсен ота һәм ике узышта да җиңү яулый[7].
2018 елның апрелендә Тимур Lamborghini Super Trofeo Europe 2018 чемпионатында беренче тапкыр катнаша. 2019 елда Тимур Lamborghini Super Trofeo Middle East автомобиле руле артында Pro классында Lamborghini Huracán Super Trofeo Evo чемпионы була. Богуславский алты этапны да ота (өчесе Әбу-Дабида һәм өчесе Дөбәйдә).
Богуславский гомуми зачётта GT World Challenge Europe Powered by AWS халыкара чемпионатын Mercedes-AMG GT3 автомобиле руле артында һәм AKKA ASP Team командасы белән бергә откан беренче Россия, шулай ук иң яшь пилот була.
Тимур Богуславский Казанда Казан Кремле янында узган Kazan City Racing 2016 зур автомотошоуда катнаша[8].
Гаилә
үзгәртүТимур Богуславский Казан (Идел буе) федераль университетының Икътисад, идарә һәм финанслар институты студенты. Әтисе — Ирек Борис улы Богуславский, РФ Дәүләт Думасы депутаты, Дәүләт Думасының икътисад сәясәте, сәнәгать, инновацион үсеш һәм эшкуарлык комитеты әгъзасы, «Нәфис» компанияләр төркеменә нигез салучы[9].
Искәрмәләр
үзгәртү- ↑ Репортаж о финале турнира РСКГ-2016 по кольцевым гонкам на tatcenter.ru
- ↑ Репортаж о третьем этапе чемпионата Татарстана 2016 по кольцевым гонкам на autotest.pro
- ↑ Статья о финале чемпионата Татарстана 2016 по кольцевым гонкам на сайте РСКГ, archived from the original on 2017-04-05, retrieved 2022-04-15
- ↑ Статья о карьере Тимура Богуславского на autotest.pro
- ↑ Репортаж о финале турнира РСКГ-2016 по кольцевым гонкам на kazanreporter.ru, archived from the original on 2017-05-17, retrieved 2022-04-15
- ↑ Репортаж о финале турнира Canyon Cup 2016 и кубке Татарстана по кольцевым гонкам 2016 на сайте трассы Казань-ринг, archived from the original on 2017-04-05, retrieved 2022-04-15
- ↑ Тимур Богоуславский выиграл этап RMEC-2017/2018. РСКГ (6 февраля 2018). әлеге чыганактан 2020-02-03 архивланды.
- ↑ Репортаж о Kazan City Racing 2016 на autotest.pro
- ↑ «Вы олицетворяете собой человека-эпоху!». Бизнес Online (9 сентября 2017).
Сылтамалар
үзгәртү- Тимур Богуславский Боҗра узышларының Россия сериясе сайтында 2021 елның 28 сентябрь көнендә архивланган.
- Тимур Богуславский карьерасы турында мәкалә