Таҗетдин Фазлыев
Таҗетдин Фазлыев, Таҗетдин Фазлыйәхмәт улы Фазлыев (1920 елның 20 августы, ТАССР, Минзәлә өязе, Мөслим — 1942 елның 29 декабре, Өченче рейх, Түбән Саксония, Цайтхайн шталагы) — Бөек Ватан сугышында катнашкан, әсир төшкән һәм һәлак булган яугир. Концлагерьдан качкан өчен фашистлар тарафыннан җәзалап үтерелә.
| Таҗетдин Фазлыев | |
|---|---|
| Туу датасы | 20 август 1920 |
| Туу урыны | ТАССР, Минзәлә өязе, Мөслим |
| Үлем датасы | 29 декабрь 1942 (22 яшь) |
| Үлем урыны | Өченче рейх, Түбән Саксония, Цайтхайн шталагы |
| Иялек |  РСФСР→ ССРБ |
| Гаскәр төре | пехота |
| Дәрәҗә | рядовой |
Тәрҗемәи хәле
үзгәртү1920 елның 20 августында ТАССР Минзәлә өязе (Минзәлә кантоны) Мөслим авылында туган. 1941 елның 25 июнендә Мөслим хәрби комиссариаты чакыруы буенча Кызыл гаскәргә алынган. Көнбатыш фронтның 19нчы армия составында Вязьма янында каты бәрелешләрдә катнаша. 1941 елның сентябрь-октябрендә Көнбатыш һәм Резерв фронтлары гаскәрләре чолганышта кала, меңләгән совет хәрбиләре әсирлеккә эләгә. Т. Фазлыев 1941 елның 10 октябрендә тоткынлыкка эләгә. Башта Беларусның Барановичи шәһәрендәге 337нче санлы шталагта тотыла. 1942 елның июлендә Алманиягә озатыла, август аенда Түбән Саксониядәге 304нче санлы Цайтхайн шталагына ябыла, шәхси карточка тутырыла, 40436нчы санлы жетон тагыла. 1942 елның 7 ноябрендә Т. Фазлыев ике әсир иптәше (Казаннан Иван Петрунин, Пенза өлкәсеннән Андрей Ситников) белән лагерьдан читтә урнашкан эш урынына алып барганда, сакчыны үтереп, җиргә күмәләр һәм көнчыгышка карап качалар. Берничә көннән этләр ярдәмендә табып, кире лагерьга кайтаралар. Качкан чакта Т. Фазлыев үлгән әсирнең жетонын таккан була, үзен Харис Харриф дип атый. Ләкин фашистлар бармак эзләре буенча аның ялганынын тоталар. 29 декабрьдә бөтен әсирләр алдында өчесен дә асып үтерәләр. Цайтхайнда җирләнгән[1].
Әдәбият
үзгәртү- Әхсән Шәрипов. Утлы еллар аша. Чаллы: «Диамант» нәшрияты, 2014.
Сылтамалар
үзгәртү- Информация о военнопленном. Фазлеев Тази Фазлий
- Саксонские мемориалы. Поименный список погибших в концлагере Цейтхайн 2017 елның 10 август көнендә архивланган.