Таррафал (Сантьягу)

Таррафал (порт. Tarrafal) — Кабо-Верденың Сантьягу утравындагы төньяк ярында урнашкан. Дәүләт башкаласы Праядан 70 км ераклыкта, Грасиоз тавы итәгендә урнашкан бистә.

Таррафал
Дәүләт	Кабо-Верде
Нәрсәнең башкаласы	Таррафал[d]
Административ-территориаль берәмлек	Таррафал[d]
Халык саны	6272
Диңгез дәрәҗәсе өстендә биеклек	464 метр
Таррафал Викиҗыентыкта

Концлагерь

Концлагерь

1936 елның 26 гыйнварында бистәдәПортугалиянең сәяси тоткыннары өчен төрмә булдырыла. Бу төрмә 1974 елның 25 апреленә кадәр эшләгән. Беренче коменданты — Мануэль душ Рейс, төрмә табибы — Эсмиральда Пайш Прат.

Таррафал Португалиянең сәяси дошманнарының төп төрмәсе булган. Биредә Португалиянең Африка колонияләреннән сәяси җинаятьчеләр һәм революционерлар тоткынлыкка китерелгән. Лагерь каты климаты белән аерылып тора. Даими искән шомлы җилләр тоткыннарда баш авыртуын тудырган. Җәза куллану практикасы да биредә гадәти була. Тәртип бозучылар өчен карцер аш-су әзерләү бүлмәсе белән стена аша урнаштырылган була. Андагы температура 70-80 С градуска тикле күтәрелгән, ә карцерда тоткын өчен бары тик утырырлык кына урын булган. Лагерьда берничә локаль участкалар булган, монда утыручы тоткыннар лагерьның башка өлешләре турында берни дә белмәгән. Лагерьдан качарга да шулай ук мөмкинлек булмаган. Тыштан лагерь киртәсе бик биек күренмәсә дә, эчке яктан ул бик биек булган һәм сулы чокыр белән тирәли уратып алынган. Чокырга терәлеп торган урыннар чәнечкеле тимер чыбык белән уратылган. Чыбык буенча электр тогы җибәрелгән.

Хәзерге көндә төрмә территориясендә ил Кораллы көчләренең белем үзәге урнашкан. Концлагерьның бер өлеше музей буларак ачык.

Таррафал

Кабо-Верденың башка калаларындагы кебек үк, Таррафал икътисадының төп нигезе — туризм. Монда кунакларны берничә кунакханә кабул итә:

• Байа Верде — туристик авыл;
• Король Фишер — Атлантик океанның ярындагы 25 апартамент кунакханәсе;
• Мар Азул** — океаннан 800 метрда торган кунакханә;
• Миль Нуитс;
• Таррафал — заманча кунакханә;
• Сул Марина;
• Тата;
• Ботаника вилласы.