Сәгыйть Аслаев
Сәгыйть Аслаев (1 ноябрь 1954 ел) — совет һәм Россия тренеры, югары мәктәп эшлеклесе. 2003 елдан Башкорт дәүләт университетының спорт-сәламәтләндерү эшләре буенча, 2010 елдан — социаль мәсьәләләр буенча проректоры. Педагогия фәннәре кандидаты (2007). Профессор (2004). Бокс буенча Россиянең атказанган тренеры (2003). Россия Федерациясенең (1999) һәм Башкортстанның (1991) атказанган физик культура хезмәткәре, Россия Федерациясенең мактаулы югары һөнәри белем бирү хезмәткәре (2006), Башкортстан Республикасының мәгариф отличнигы (2001). Салават Юлаев ордены кавалеры (2014).
| Сәгыйть Аслаев | |
|---|---|
| Туган | 1 ноябрь 1954 (70 яшь) 1нче Эткол, Баймак районы, БАССР, РСФСР, СССР |
| Ватандашлыгы |  СССР Россия |
| Әлма-матер | Волгоград дәүләт физик мәдәният академиясе[d] |
| Һөнәре | спортчы |
| Эш бирүче | Башкорт дәүләт университеты |
Биографиясе
үзгәртүСәгыйть Төхвәт улы Аслаев 1954 елның 1 ноябрендә Башкорт АССРның Баймак районы 1-нче Эткол авылында туган. Атасы — Аслаев Төхвәт Хәлим улы (1922-1995), педагог-методист, башкорт теле белгече.
1976 елда Волгоград физик культура институтын тәмамлый.
1978 елда «Хезмәт резервлары» ирекле спорт җәмгыятенең Башкортстан өлкә советында хезмәт эшчәнлеген башлый. 1982 елда югары спорт осталыгы мәктәбенең өлкән тренеры итеп тәгаенләнә. 1986 елда Уфа шәһәре 4-нче Олимпия резервының махсус балалар һәм үсмерләр мәктәбенә (СДЮШОР)[1] эшкә күчә.
1988 елда ССРБ-ның бокс буенча җыелма командасына тренер итеп тәгаенләнә. 1992-1996 елларда да Россия җыелма командасында. 1992 елдан Башкортстан Республикасы җыелма командасының баш тренеры булып эшли.
2001 елдан Сәгыйть Төхвәт улы Башкорт дәүләт университетының физик тәрбия һәм спорт кафедрасы мөдире вазифасын били, ә 2003 елда БДУның спорт-сәламәтләндерү эшләре буенча проректоры итеп тәгаенләнә[2].
2007 елда «Интерактив белем бирү процессында физик культура укытучыларында педагогик аралашу осталыгын формалаштыру» темасына диссертация яклый һәм «педагогия фәннәре кандидаты» дәрәҗәсен яулый[3].
Тренерлык һәм укытучылык эшчәнлеге елларында Сәгыйть Төхвәт улы халыкара класслы спорт мастерларын, шулай ук 50-дән артык ССРБ һәм Россия спорт мастерларын әзерли, алар арасында:
- Владимир Ганченко — 48 килограммга кадәрге авырлык категориясендә бокс буенча 1992 елгы Россия чемпионы, 1992 елгы Олимпия уеннары катнашучысы;
- Ринат Гыйззәтуллин — 63,5 килограммга кадәрге авырлык категориясендә бокс буенча 1992 елгы Россия чемпионы;
- Рамил Хөснетдинов — 48 килограммга кадәрге авырлык категориясендә бокс буенча 1995 елгы Россия чемпионы;
- Эльвира Касыймова — 2000 елда кикбоксинг буенча дөнья чемпионы[4].
Мактаулы исемнәре һәм башка бүләкләре
үзгәртү- Башкортстанның атказанган физик культура хезмәткәре (1991)
- Россия Федерациясенең атказанган физик культура хезмәткәре(1999)[5]
- Башкортстан Республикасы мәгариф отличнигы (2001).
- Россиянең атказанган тренеры (2003)
- Россия Федерациясенең мактаулы югары һөнәри белем бирү хезмәткәре
- Салават Юлаев ордены (2014).
Гыйльми хезмәтләре
үзгәртү- Аслаев С. Т., Асадуллин Р. Н. Место интерактивного обучения в формировании педагогического общения у учителей физической культуры. — Вестник Башкирского университета, 2006.
- Аслаев С. Т., Шаяхметова Э. Ш., Румянцева Э. Р. Динамика сенсомоторного реагирования и чувства времени в процессе адаптации боксеров к тренировочным нагрузкам. — Вестник Башкирского университета, 2012.
Искәрмәләр
үзгәртү- ↑ СДЮСШОР № 4, archived from the original on 2016-10-11, retrieved 2021-11-27
- ↑ Сотрудники кафедры физвоспитания и спорта
- ↑ Аслаев, Сагит Тухватович. Формирование умений педагогического общения у учителей физической культуры в процессе интерактивного обучения
- ↑ Бокс учёбе не помеха, archived from the original on 2018-02-20, retrieved 2021-11-27
- ↑ Указ Президента РФ от 30 декабря 1999 года № 1741 «О награждении государственными наградами Российской Федерации работников учреждений и организаций физической культуры и спорта»
Сылтамалар
үзгәртү- Аслаев Сәгыйть Төхвәт улы // Башкорт энциклопедиясе— Уфа: «Башкорт энциклопедиясе» гыйльми-нәшрият комплексы, 2015—2020. — ISBN 978-5-88185-143-9.(Тикшерелгән 19 октябрь 2019)