Sevil Şaydä

	Sevil Şaydä
	Sevil Şaydä
	Romaniä vitse premyerı ; ; 2017 yıldan;
	Romaniä vitse premyerı ; ; 2017 yıldan;
Hönär:	iqtisadçı, däwlät eşleklese häm säyäsätçe
Millät :	tatar
Dine:	İslam
Tuu:	4 dekäber 1964 (59 yäş)
Tuu urını:	Küstäncä, Romaniä

Sevil Şaydä (romança Sevil Shhaideh, 1962) - Romaniä iqtisadçısı, däwlät eşleklese häm säyäsätçe. 2017 yıldan Romaniäneñ vitse premyerı. Milläte - tatar (Dobruca tatarı).

Sevil Şaydä xökümät başlığı itep bilgelängän bulsa, Awrupa Berlegendä berençe möslimä premyer-ministr bulır ide.

Premyer-ministr urınına tatar Sevil (Canbäk) Şaydä täqdim itelde. 2015 yılnıñ mayında Romaniäneñ Töbäklär üseşe häm däwlät idäräse ministrı itep quyılğan Şaydä wazifasına kereşkändä qulına Qor'än totıp ant itkän ide.

Tormış yulı

1964 yılda Küstäncädä (Göstäncädä) tuğan Sevil Şaydä Romaniädä tanılğan ğalim professor Kemäl Qarpat näselennän.

1987 yılda Bükräşneñ İqtisadi akademiäsendä iqtisad häm kibernetika fakultetın tämamlağannan soñ Sevil Şaydä AQŞta uqığan. Kire Göstäncägä qaytıp mäğlümati texnologiälärne idärä itü ölkäsendä eşlägän.

2012 yıldan birle Töbäklär üseşe häm däwlät idäräse ministrlığında eşlägän.

Sevil Şaydä häm anıñ ireneñ (ul Süriädän) 2015 yıldağı finans deklaratsiäcyenä qarağanda, ğailäneñ Süriädä milke bar. Açıq itep iğlan itelmäsä dä, bu ğailäneñ Süriädä Bäşär Äsäd xökümäte belän elemtäläre bulğanı farazlana. İre 2015 yılda ğına Romaniä watandaşlığın alğan, 2011 yılğa qädär Süriäneñ awıl xucalığı ministrlığında eşlägän, dip xäbär itelä.

Romaniädäge 25-40 meñlek tatarlar iñ oyışqan diaspora sanala. Romaniäneñ elekke häm xäzerge parlamentında tatar deputatları buluı, Sevil Şaydäneñ uzğan yıldan birle töbäklär üseşe häm däwlät idäräse ministrı buluı Romaniä tatarlarınıñ säyäsi häm ictimaği tormıştağı urının kürsätä. Romaniädä iñ küp tatarlar Qara diñgez buyındağı Küstäncä, Dobruca yaqlarında yäşi. Soñğı yıllarda yaxşıraq eş ezläp yäşlär başqala Bükräşkä kitä.

Sıltamalar

http://www.azatliq.org/a/28215302.html
Posta (21 December 2016). "Romanya'da Müslüman Türk Başbakan Önerisi: Sevil Shhaideh". Posta. Retrieved 2016-12-21.